Një punëtor i paidentifikuar i verës në rajonin prestigjioz francez të Burgundisë u gjend në qendër të vëmendjes së mediave pasi përfundoi në gjykatë.
Gazeta lokale “Journal de Saone-et-Loire” thekson se 56-vjeçari është regjistruar nga një kamera sigurie duke marrë katër shishe verë, pas së cilës punëdhënësi ka shkuar në polici.
Autoritetet më vonë ia kontrolluan shtëpinë hajnit, si dhe shtëpinë e nënës së tij dhe gjetën një skenë të pabesueshme, raporton Le Monde.
Ata gjetën katër shishe, por edhe 7000 të tjera që burri i mori nga kantina të ndryshme ku ishte i punësuar.
Ai dyshohet se e ka bërë këtë për 15 vitet e fundit dhe vlera totale e verës së gjetur është 500 mijë euro.
Nuk ka asnjë tregues se ai po shiste verë, tha prokurori vendas. Punëtori u lirua me kusht dhe do të dalë para gjykatësve gjatë muajve të ardhshëm. /Telegrafi/
