Akademia e Arteve dhe Shkencave të Filmit të martën në mbrëmje ka lëshuar një letër në lidhje me incidentin midis Will Smith dhe Chris Rock në “Oscars” të së dielës.

Reklama

Akademia dha një deklaratë të mëparshme për atë që ndodhi midis Will Smith dhe Chris Rock , “Akademia dënon veprimet e zotit Smith në shfaqjen e mbrëmshme. Ne kemi filluar zyrtarisht një shqyrtim rreth incidentit dhe do të shqyrtojmë veprimet dhe pasojat e mëtejshme në përputhje me aktet nënligjore, standardet e sjelljes dhe ligjin e Kalifornisë”.

Menjëherë pas një hetimi, oficerët e Akademisë u mblodhën për një telefonatë urgjente për aktorin e “King Richard”, i cili u vërsul në skenë dhe e goditi Rockun pasi komediani bëri një shaka me gruan e Smith, Jada Pinkett Smith.

Reklama
Reklama

“Oscars 2022”

Departamenti i Policisë së Los Angeles u njoftua për incidentin dhe publikoi një deklaratë të dielën: “Organet hetuese të LAPD janë në dijeni të një incidenti mes dy individëve gjatë programit të çmimeve Oscar”.

Policia e Los Angeles vizitojnë shtëpinë e Will Smith pak ditë pasi goditi me shuplakë Chris Rock Policia e Los Angeles vizitojnë shtëpinë e Will Smith pak ditë pasi goditi me shuplakë Chris Rock

“Incidenti përfshiu një individ që goditi një tjetër me shuplakë”, shtuan ata. “Individi i përfshirë ka refuzuar të paraqesë një raportim në polici. Nëse pala e përfshirë dëshiron një raportim policie në një datë të mëvonshme, LAPD do të jetë në dispozicion për të përfunduar një raport hetimor”.

Në letër, Akademia theksoi se përpunimi i incidentit do të marrë pak kohë para se të arrihet një përfundim se si të trajtohet situata.

Letrën e plotë ua sjellim më poshtë:

Reklama

“Të nderuar anëtarë,

Transmetimi televiziv i 94-të i Oscars të së dielës ishte menduar të ishte një festë e shumë individëve në komunitetin tonë që bënë punë të jashtëzakonshme vitin e kaluar. Jemi të mërzitur dhe të indinjuar që ato momente u lanë në hije nga sjellja e papranueshme dhe e dëmshme në skenë e një të nominuari. Për të qenë të qartë, ne dënojmë veprimet e z. Smith që ndodhën të dielën mbrëma.

Reklama

Siç përshkruhet në aktet tona nënligjore, Bordi i Guvernatorëve të Akademisë tani do të vendosë për veprimet e duhura për z. Smith. Siç rregullohet nga ligji i Kalifornisë në lidhje me anëtarët e organizatave jofitimprurëse si Akademia, dhe i përcaktuar në Standardet tona të Sjelljes, kjo duhet të ndjekë një proces zyrtar që do të zgjasë disa javë.

Reklama

Ne do të vazhdojmë t’ju përditësojmë për çdo zhvillim, por gjithashtu kërkojmë që të respektoni Bordin tuaj, stafin e Akademisë dhe procesin ndërkohë që kjo shpaloset, në mënyrë që të mund të funksionojë në mënyrën e konsideruar që ishte menduar dhe mandatuar. Ju lutemi, besoni se Bordi i Guvernatorëve do ta drejtojë këtë proces në një mënyrë që është e përshtatshme dhe respektuese për të gjithë të përfshirët duke ruajtur standardet e Akademisë.

Reklama

Faleminderit, Akademia e Arteve dhe Shkencave të Filmit,

David Rubin, President i Akademisë së Arteve dhe Shkencave të Filmit,

CEO Dawn Hudson”. /Telegrafi/

Momenti kur Will e godit me shuplakë Chris Rock (Foto: AP)