LAJMI I FUNDIT:

Publikohen letrat e Miterrand për dashnoren e tij sekrete, letra që ajo i mbante në kuti këpucësh!

Publikohen letrat e Miterrand për dashnoren e tij sekrete, letra që ajo i mbante në kuti këpucësh!

Presidenti i ndjerë socialist i Francës, Francois Miterrand, ishte i njohur si joshësi i madh i politikës franceze.

Tani, më shumë se 20 vite pasi ka ndërruar jetë, ai ‘rikthehet’ sërish si joshës.

Në Francë është publikuar një libër me letra që Miterrand i dërgonte Anne Pingeot, dashnores së tij sekrete dhe nënë e fëmijës së tij nga viti 1974.

Bëhet fjalë për më shumë se 1200 letra të dërguara nga viti 1962 deri në vdekjen e tij në vitin 1996.

Letrat tregojnë një anë të presidentit, që personi i tij publik si një sfinks nuk e tradhtoi kurrë.

Anne Pingeot me vajzën e saj dhe të Mitterand, në funeralin shtetëror të të dashurit të saj
Anne Pingeot me vajzën e saj dhe të Mitterand, Mazarine, në funeralin shtetëror të të dashurit të saj

Ata janë plotësisht të dashuruar, të përkushtuar dhe të butë përkundrejt njëri-tjetrit.

Nuk është çudi që libri, i cili përkon me njëqindvjetorin e lindjes së Miterrand, ka provokuar një periudhë nostalgjike për këtë njeri të madh, përballë të cilit presidentët e sotëm vyshken nga krahasimi.

Miterrand ishte një senator socialist dhe ish-ministër 46-vjeçar kur u takua me Anne Pingeot, 27 vjet më e vogël, në një plazh në jugperëndim të Francës.

Ajo ishte vajza e një familje të njohur katolike nga Clermont-Ferrand, të lidhur me manjatët e gomave Michelin, dhe ishte babai i saj që u bë mik me Miterrand.

Letra e parë e regjistruar daton në tetor të vitit 1962, kur ai i premton Anne se do i dërgojë një kopje të librit mbi Sokratin.

Dy vite më vonë është e qartë se ata janë lidhur pasi nuk përdorin më ‘ju’, por ‘ti’.

Letrat kanë hequr çdo dyshim se Anne ishte njeriu më i rëndësishëm në jetën e Miterrand.

Që prej vitit 1944, ai ka qenë i martuar me Danielle Gouze dhe kishin dy djem.

Gjatë karrierës politike, Danielle, me pikëpamjet e saj politike-ishte shoqëruesja zyrtare.

Por pas skenave ai ushqente dhe ushqehej nga dashuria për Anne, që u bë specialiste mbi skulpturat e shekullit të 19-të dhe më vonë kuratore në Muzeun Orsay në Paris.

Pavarësisht diferencës në moshë, ata kishin interesa të përbashkëta për letërsinë, Francën, artin dhe idetë – dhe Miterrand ndjente se Anne ishte ajo me të cilën mund të komunikonte në planin spiritual.

“Pranë teje, bashkë me ty, tek ti-kjo është ajo që jam unë. Është një paradoks i pabesueshëm: Ekzistoj në çdo moment që jam shpërndarë tek ti”, i shkruante ai shkurt pasi ishin lidhur në vitin 1964.

Ai e quan atë Nannon, Nannour dhe Animour.

Ajo e quante Cecchino.

Mes dashurisë dhe erotizmit ka edhe letra politike.

Letrat u shtuan deri në vitin 1974, kur lindi vajza e tyre, Mazarine.

Nga ky moment, të tre kanë një jetë më familjare, edhe pse sekrete.

Në fund të jetës, ndërsa vuante nga kanceri, ai i shkruante asaj: “Lumturia ime qëndron tek të menduarit për ty dhe dashuria për ty. Ti gjithmonë më ke sjellë më shumë. Ti ke qenë shansi i jetës sime. Si nuk rritet më dashuria ime?”

Anne Pingeot vetë, tashmë 73 vjeç, i ka mbajtur letrat në kuti këpucësh.

Ajo pranoi të publikoheshin me një kusht: Ajo nuk do luante asnjë rol në promovimin e librit.

Nuk do ketë asnjë intervistë.

Disa thonë se ajo dëshiron të qartësojë gjërat.

Për shumë vite francezët e kanë parë si një viktimë: një dashnore që detyrohet të fshehë dashurinë e saj, dhe, kur Miterrand vdiq, vajtonte vetëm me të bijën.

Me këtë libër, ajo bëhet një figurë kryesore në historinë e Francës moderne. /mapo.al/

Në trend Botë

Më shumë
Xhakarta më nuk do të jetë kryeqyteti i Indonezisë

Xhakarta më nuk do të jetë kryeqyteti i Indonezisë

Azia
Ukrainasit shkatërrojnë me dron kamikaz autoblindën e rrallë ruse, që për herë të parë u përdor në katastrofën bërthamore të Çernobilit

Ukrainasit shkatërrojnë me dron kamikaz autoblindën e rrallë ruse, që për herë të parë u përdor në katastrofën bërthamore të Çernobilit

Evropa
Ukrainasja bëhet simbol i rezistencës, pavarësisht se rusët ia bombarduan lokalin në Kiev – ajo vazhdon të shërbejë kafe

Ukrainasja bëhet simbol i rezistencës, pavarësisht se rusët ia bombarduan lokalin në Kiev – ajo vazhdon të shërbejë kafe

Evropa
Scholz: Paqja në Ukrainë është e mundur në çdo moment, vetëm Putin le t’i tërheq trupat

Scholz: Paqja në Ukrainë është e mundur në çdo moment, vetëm Putin le t’i tërheq trupat

Evropa
Ukrainasit godasin me HIMARS-in amerikan sistemin e mbrojtjes kundërajrore ruse BUK – e hedhin në erë me goditjen direkte

Ukrainasit godasin me HIMARS-in amerikan sistemin e mbrojtjes kundërajrore ruse BUK – e hedhin në erë me goditjen direkte

Evropa
Ukraina po përpiqet të krijojë lidhje me aleatin historik të Rusisë, Indinë

Ukraina po përpiqet të krijojë lidhje me aleatin historik të Rusisë, Indinë

Botë
Kalo në kategori