Agjenti i Cristiano Ronaldos, Jorge Mendes thuhet se po përpiqet të dërgojë lojtarin e Juventusit në klube të tjera, por vetëm Manchester City është i interesuar për transferimin e tij dhe jo Paris Saint-Germain apo Real Madrid.

Mediumi italian Sky Sport Italia ndoqi ekskluziven nga gazeta L’Equipe që sugjeroi se Ronaldo po shtynte fort për një lëvizje në Manchester City.

Të dy burimet pretendojnë se ylli portugez ua komunikoi qëllimet e tij bashkëlojtarëve të tij në zhveshtoren e Juventusit dhe Cityt.

L'Equipe shkruan për rebelimin e Cristiano Ronaldos: Dëshiron të kalojë te Manchester City L'Equipe shkruan për rebelimin e Cristiano Ronaldos: Dëshiron të kalojë te Manchester City

Realizimi i tij është një çështje krejtësisht tjetër, pasi Juve ka nevojë për një tarifë transferimi prej 30 milionë eurosh për të shmangur humbjen ose shkëmbimin e një lojtari për një shifër të ngjashme.

Manchester City mund të shkojë për Ronaldon nëse Tottenham Hotspur refuzon të shesë Harry Kane.

Preferenca e Juventusit në rast të largimit të Ronaldos Preferenca e Juventusit në rast të largimit të Ronaldos

Bernardo Silva ose Aymeric Laporte u përmendën si marrëveshje të mundshme shkëmbimi nga L’Equipe, por Sky Sport Italia kundërshton idenë duke shkruar se Juventusi do të preferonte Gabriel Jesus në vend të tij.

Fillimisht u përfol edhe për opsion PSG nëse Kylian Mbappe do të largohej drejt Real Madridit, por gjigantët e Ligue 1 preferojnë transferimin e yllit të Bayern Munich, Robert Lewandowski ose Erling Haaland të Borussia Dortmund në vend të Ronaldos. /Telegrafi/