Protestuesit në Bazel djegin flamuj izraelitë dhe amerikanë gjatë demonstratës së paligjshme kundër Eurovisionit

Vetëm një orë para fillimit të finales së madhe të Eurovisionit të shtunën në mbrëmje, qindra protestues anti-Izrael bllokuan transportin publik në drejtim të arenës ku po mbahet festivali në qytetin e Bazelit, Zvicër.

Situata u tensionua kur protestuesit u panë duke djegur dhe shkelur flamuj izraelitë dhe amerikanë në qendër të qytetit, në shenjë proteste kundër pjesëmarrjes së Izraelit në konkursin muzikor.

Demonstrata u organizua nga grupet lokale Basel 4 Palestine dhe ESCalate for Palestine, dhe në të morën pjesë qindra protestues palestinezë që valëvitnin flamuj dhe mbanin pankarta ku akuzohej Transmetuesi Evropian i Eurovisionit (EBU) për bashkëfajësi në atë që ata e quajtën “gjenocidi” i Izraelit. Po ashtu, u bënë thirrje të drejtpërdrejta për bojkotimin e festivalit.

Sipas raportimit të Nau.ch, një portal i lajmeve në gjuhën gjermane, policia në vendngjarje e shpalli protestën të paligjshme dhe paralajmëroi se pjesëmarrësit do të ndiqeshin penalisht nëse nuk do të bindeshin ndaj urdhrave të dhëna.

Megjithatë, protestuesit nuk u ndalën. Edhe pse u kërkua që të qëndronin në Barfüsserplatz, ku protesta kishte nisur, turma marshoi më tej në rrugët kryesore të qytetit, duke bërtitur slogane si: “Nga lumi në det, Palestina do të jetë e lirë”.

Switzerland, Europe, right now:

Protesters burning the Jewish star on the Israeli flag—to protest a 24-year-old Jewish girl.

They’re angry she survived antisemites trying to murder her, and that she insists on singing and choosing life.

It’s giving 1930’s, Europe.

The… pic.twitter.com/ql5tfFPu6b

— Hen Mazzig (@HenMazzig) May 17, 2025

Marshi protestues bllokoi linjat e tramvajit, të cilat po transportonin spektatorët drejt arenës St. Jakobshalle, vendi ku po zhvillohet finalja e Eurovisionit.

Ndërkohë, pati përplasje mes protestuesve dhe kalimtarëve, veçanërisht me ata që mbanin flamuj izraelitë.

Kjo nuk është protesta e parë pro-palestineze në kuadër të Eurovisionit. Të enjten, gjatë gjysmëfinales së dytë kur delegati izraelit Yuval Raphael performoi në skenë, kishte një protestë të ngjashme, por numri i pjesëmarrësve këtë të shtunë ishte dukshëm më i madh se ai i disa ditëve më parë. /Telegrafi/