Presidenti i Marseilles thotë se nuk e duan Ronaldon: Duam lojtarë ekipor, jemi larg yjeve

Manchester United e ka larguar Cristiano Ronaldon nga skuadra për ndeshen ne Chelsean, pasi ai refuzoi të hynte në lojë në ndeshjen ndaj Tottenhamit.

Kujtojmë se portugezi 37-vjeçar deshi të largohej nga klubi këtë verë dhe të gjente një të ri për të luajtur në Ligën e Kampionëve.

Pas incidentit të fundit, Ronaldo ka filluar të lidhet sërish me klube të shumta.

Për këtë temë ka folur edhe presidenti i Marseille, Pablo Longoria, i cili këtë vit si trajner mori kroatin, Igor Tudor.

“Ronaldo? Futbolli është shumë i qartë, ju punoni me mjetet që keni në dispozicion, me faktin se jemi në ekuilibër ekonomik”.

“Duhet të bësh gjithçka për të arritur rezultatet më të mira, të kërkosh mënyra për të përmirësuar ekipin, por me stabilitet financiar. Jemi larg ideve të tilla dhe yjeve të mëdhenj”.

“Ne jemi më shumë për lojtarët ekipor, të cilët do të përmirësojnë paraqitjen e ekipit përmes punës. Ne po zhvillojmë një projekt ku të gjithë duhet të jenë në dispozicion të kolektivit”, ka thënë Longoria.

Ronaldo ka gjasa që gjatë janarit të bëhet me klub të ri./Telegrafi/