Portieri i Metzit e ndjek Mbappen pas zemërimit të golit të vonshëm, Neymar e ‘shpëton’ francezin duke e rrëzuar kundërshtarin

Kylian Mbappe duhej të mbrohej nga Neymar, pasi francezi zemëroi portierin e Metz, Alexandre Oukidja, i cili e ndoqi atë për t’u sqaruar pas golit të vonshëm që i dha fitoren PSG-së.

Gjërat nuk janë aq të lehta për PSG-në për momentin, edhe pse ata kanë shkuar në krye të Ligue 1 me shtatë pikë tashmë, pasi kanë shënuar 20 gola në vetëm shtatë ndeshje.

Javën e kaluar ata barazuan ndeshjen e tyre të parë të Ligës së Kampionëve ndaj Club Brugge, madje edhe me treshen e sulmit Mbappe, Neymar dhe Lionel Messi.

Lexo po ashtu Vazhdon seria e fitoreve të PSG-së, triumfon në udhëtim te Metz

Kishte tension mes Messit dhe Mauricio Pochettino në fundjavë, pasi gjigantët francezë kishin nevojë për një gol të fitores vetëm në minutën e 93-të kundër Lyonit, dhe të mërkurën ata u gjenden përsëri në situatën e njëjtë.

Achraf Hakimi shënoi në minutën e 95-të për të fituar të tre pikët në fitoren 2-1 ndaj Metz, por gjërat nuk përfunduan mirë gjatë festës.

Mbappe i tha diçka portierit Oukidja, i cili u ndje i fyer mjaftueshëm për të ndjekur fituesin e Kupës së Botës për t’u kacafytur apo sqaruar me të.

Une séquence de 20 secondes mémorable. #Mbappé qui vient chambrer, le gardien messin qui joue les durs et qui tombe au premier courant d’air… Et pour finir l’apparition d’un mec torse nu tombé du ciel 😂#PSG #FCMPSG pic.twitter.com/inoh7FEv7L

— Nicolas Puiravau (@nikop17) September 22, 2021

Megjithatë, ishte Neymari i cili arriti të mbrojë shokun e tij të skuadrës dhe të rrëzojë në tokë portierin 33-vjeçar.

Oukidja vazhdoi të shfaqte bezdinë e tij pas përfundimit të ndeshjes ndaj asaj që ndodhi, me lojtarët e PSG-së që ende ishin duke festuar. /Telegrafi/

Alexandre Oukidja was proper onto Mbappe when PSG were celebrating and after the match was over 😩😭😭 pic.twitter.com/alQIdiLQMK

— 🇨🇩🇸🇱 (@F1avs) September 22, 2021