LAJMI I FUNDIT:

Policia e Shtetit sekuestron rreth 30 mijë euro, arreston një turk dhe një kinez

Policia e Shtetit sekuestron rreth 30 mijë euro, arreston një turk dhe një kinez

Policia e Shtetit ka njoftuar se ka sekuestruar mbi 28 mijë euro dhe 1900 dollarë në kufi.

Lidhur me rastin Policia ka arrestuar edhe dy persona, një shtetas turk dhe një shtetas kinez, transmeton Telegrafi.

“Si rezultat i kontrolleve, goditen 2 raste të mosdeklarimit të të hollave, në kufi. Sekuestrohen në total 28 840 euro dhe 1900 dollarë.  Procedohet penalisht 36-vjeçari (shtetas turk) që nuk deklaroi 17 020 euro, në hyrje të RSh-së. Procedohet penalisht 50-vjeçari (shtetas kinez) që nuk deklaroi 11 820 euro dhe 1900 dollarë, në dalje të RSh-së”, thuhet në njoftim.

Tutje, në njoftim theksohet se shërbimet e Policisë Kufitare Rinas, në vijim të kontrolleve për parandalimin, evidentimin dhe goditjen e krimeve ndërkufitare, bazuar në analizën e riskut, kanë kaluar në vijën e dytë, për kontroll më të detajuar, shtetasit D. C. dhe L. D.

“Gjatë kontrolleve në hyrje të RSH-së, shtetasit turk D. C., 36 vjeç, i janë gjetur 17 020 euro, të cilat ai nuk i kishte deklaruar në kufi, sipas përcaktimeve ligjore. Gjithashtu, në dalje të RSH-së, shtetasit L. D., 50 vjeç, i janë gjetur 11 820 euro dhe 1900 dollarë, të cilat ai nuk i kishte deklaruar në kufi, sipas përcaktimeve ligjore në fuqi”, vijon njoftimi.

Shumat e parave u sekuestruan në cilësinë e provës materiale. Në vijim të veprimeve, nisi procedimi në gjendje të lirë për shtetasit D. C., 36 vjeç dhe L. D., 50 vjeç, për veprën penale “Mosdeklarimi në kufi i të hollave dhe i sendeve me vlerë”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme. /Telegrafi/


Në trend Lajme

Më shumë
Eksperti i sigurisë, Shala: Kosova do prodhojë dronë dhe do të jetë lider në Ballkanin Perëndimor

Eksperti i sigurisë, Shala: Kosova do prodhojë dronë dhe do të jetë lider në Ballkanin Perëndimor

Siguri
Avokatët e shoferit që aksidentoi me veturë burrin e Shkurte Fejzës: Aksidenti ndodhi pa qëllim, klientit tonë iu konfiskua telefoni

Avokatët e shoferit që aksidentoi me veturë burrin e Shkurte Fejzës: Aksidenti ndodhi pa qëllim, klientit tonë iu konfiskua telefoni

Drejtësi
Tërmet në Shqipëri

Tërmet në Shqipëri

Lajme
Lushtaku viziton Musliun në spital: Ganja është sinonim i gruas së fortë e cila nuk dorëzohet asnjëherë

Lushtaku viziton Musliun në spital: Ganja është sinonim i gruas së fortë e cila nuk dorëzohet asnjëherë

Lajme
Pse u vra Pëllumb Meta, detaje të ngjarjes tragjike

Pse u vra Pëllumb Meta, detaje të ngjarjes tragjike

Lajme
Arrestohet personi që kreu vjedhje në shtëpinë e zyrtarit të AKI-së, policia jep detaje

Arrestohet personi që kreu vjedhje në shtëpinë e zyrtarit të AKI-së, policia jep detaje

Kronika e Zezë
Kalo në kategori