Ka përfunduar me rezultat të barabartë (1-1) pjesa e parë e ndeshjes kthyese të 1/8 së finales të Ligës së Kampionëve, ndërmjet Juventusit dhe Lyonit.

Ishin mysafirët ata që kaluan të parët në epërsi me një gol të Memphis Depay, i cili u tregua i saktë nga pika e bardhë (12’).

Bianconerët arritën të ktheheshin në lojë në minutën e 43-të me një gol të Cristiano Ronaldos, po nga penalltia.

Cristiano Ronaldo (Foto: Valerio Pennicino/Getty Images/Guliver)

Ky rezultat është në favor të Lyonit duke qenë se ekipi francez e ka fituar me rezultat 1-0 takimin e parë të të tetës së finales.

Për t’u kualifikuar në çerekfinale të Ligës së Kampionëve, Juventusi duhet t’i shënojë së paku edhe dy gola dhe të mos pranojë gol tjetër. /Telegrafi/