Donald Cerrone është kundërshtari i Conor McGregor në rikthimin e tij në UFC, në përballjen që do të zhvillohet të shtunën mbrëma (në orët e hershme të mëngjesit të të dielës me kohën tonë) në T-Mobile Arena të Las Vegasit.

Tabloidi express.co.uk ka publikuar disa të dhëna lidhur me pasurinë e irlandezit para meçit ndaj rivalit amerikan në kuadër të ‘UFC 246’.

Conor McGregor u bë shumë i pasur që nga dueli i boksit kundër Floyd Mayweather, të cilin e zhvilloi në gusht të vitit 2017 dhe humbi me nokaut teknik.

(Foto: Sean M. Haffey/Getty Images/Guliver)

Për 28 minuta punë, ‘The Notorious’ përfitoi 27 milionë euro vetëm nga marrëveshja për meçin, ndërsa sipas tij, përfitimet totale (duke i përfshirë edhe sponsorët) nga ai duel arrijnë shifrën prej 76 milionë funtesh (89 milionë euro).

Reklama
Reklama
Rikthimi i McGregor në UFC: Data, koha, parashikimi – gjithçka që duhet të dini për duelin ndaj 'Cowboy' Cerrone Rikthimi i McGregor në UFC: Data, koha, parashikimi – gjithçka që duhet të dini për duelin ndaj 'Cowboy' Cerrone

Këtë shumë, ai nuk ka mundur ta fitonte në asnjë mënyrë në të gjitha duelet që i ka zhvilluar në UFC, ku ka qenë kampion i dyfishtë.

Conor McGregor (Foto: Steve Marcus/Getty Images/Guliver)

Përfitimet e përgjithshme të McGregor prej se i është bashkuar UFC-së në prill të vitit 2013 kanë qenë rreth 38 milionë euro, ndërkohë që është thënë se nga dueli me Khabib Nurmagomedov ka fituar afro 45 milionë euro.

Dhe duke i llogaritur edhe investimet, fitimet dhe humbjet, sipas Celebrity Net Worth, pasuria aktuale e Conor McGregor besohet të jetë rreth 110 milionë euro. /Telegrafi/