Riyad Mahrez është tërhequr nga skuadra e Algjerisë për arsye personale – bëjnë të ditur mediat angleze. 28-vjeçari është dashur të udhëtonte për në Botsvanë për të zhvilluar një ndeshje kualifikuese për Kupën e Kombeve të Afrikës që është caktuar për të hënën.

Mirëpo, ai nuk ka udhëtuar me pjesën tjetër të ekipit të premten, teksa arsyeja nga trajneri Djamel Belmadi ishte: “Një problem personal që na ka bërë ta lejojmë të largohet”, duke mos dhënë shpjegime të mëtutjeshme.

SunSport ka raportuar më herët se Mahrez është i dëshpëruar, pasi ka mësuar se boksieri i famshëm amerikan, Deontay Wilder, ka flirtuar me gruan e tij.

Deontay Wilder (Foto: Jayne Kamin-Oncea/Getty Images/Guliver)

Burimet kanë thënë se Rita Johal ka kaluar kohë me kampionin e WBC-së në një klub nate në Mancester, mirëpo nuk ka sugjerime se kjo është arsyeja e largimit të Mahrez nga ekipi kombëtar.

Miqtë e futbollistit kanë thënë se njëra prej motrave të tij e kishte tërhequr gruan e Ryad nga boksieri 34-vjeçar.

Ish-modelja 25 vjeçare,e cila është nënë e dy fëmijëve të Mahrez, kishte nisur flirtin me Wilder pasi ishin njoftuar në zonën VIP të një klubi nate ku qëndrojnë të famshmit.

Riyad dhe Rita Mahrez (Foto: Anthony Harvey/Getty Images for Sport Industry Awards/Guliver)

“Ata po bënin një bisedë të afërt, po qeshnin dhe bënin shaka. Shihej se kishte kimi mes tyre dhe një lidhje e vërtetë… Rita kishte dalë me motrat e Riyadit, me të cilat po kalon mirë”.

“Ndërsa atyre nuk iu pëlqente aspak me atë që po ndodhte. Njëra prej tyre shkoi dhe e mori Ritën, për ta larguar nga Deontay, i cili dëshironte ta mbante afër”, ka thënë një burim për The Sun. /Telegrafi/

View this post on Instagram

👸❤️

A post shared by Ritamahrez 11:11 (@ritamahrezay) on Oct 13, 2019 at 5:23am PDT

View this post on Instagram

💙💙

A post shared by Ritamahrez 11:11 (@ritamahrezay) on Oct 30, 2019 at 10:00am PDT