Pas shkatërrimit masiv të tankeve ruse nga forcat ukrainase, Putini rikthen në punë “reliktet” sovjetike – tanke të viteve të 60-ve shihen në Ukrainë

Forcat e armatosura ruse kanë filluar të dërgojnë në juglindje të Ukrainës tanke që janë 60 vite të vjetra – duke konfirmuar pretendimet e ekspertëve ushtarakë, se Vladimir Putini po e humb luftën e në veçanti termi “zgjerim ushtarak” as që është duke ekzistuar.

Një kolonë e gjatë e tankeve të tipit T-62 që filluan të prodhohen në vitin 1961, janë filmuar në një stacion treni në qytetin Melitopol të Ukrainës, vetëm pak ditë pasi është raportuar se ushtria ruse ka mbetur pa mjete të blinduara si pasojë e sulmeve ukrainase që në masë të madhe i ka shkatërruar, transmeton Telegrafi.

Lexo po ashtu Çfarë është sistemi i shumëfishtë raketor amerikan dhe pse ukrainasit e kërkojnë me ngulm?

Rusia ka afro 2.900 tanke tjera moderne të tipit T-90, T-80 dhe T-72 që aktualisht i ka në përdorim, thuhet në Institutin Ndërkombëtar për Studime të Sigurisë – ku sipas këtij instituti mbi 10 mijë tanke të gjeneratave të ndryshme i ka të sistemuara nëpër muze e depo të ndryshme.

As the #Russian Army and Navy are running out of their modern tanks, they have started restoring the old T-62 main battle tanks which had been retired and put in storage during Soviet Union. Today, a large number of them reached #Ukraine. Here are some of them in #Melitopol!👇 pic.twitter.com/vTC6ReTRs7

— Babak Taghvaee – Μπάπακ Τακβαίε – بابک تقوایی (@BabakTaghvaee) May 25, 2022

E pasi që forcat ukrainase kanë njoftuar se mbi 1.300 tanke ruse i kanë shkatërruar, duket se Putinit i ka mbetur vetëm një – rikthimi në punë i tankeve të vjetra që dikur i ka përdorur Bashkimi Sovjetik.

E këto 10 mijë tanke të vjetra, shumë prej tyre nuk punojnë si duhet apo kanë mangësi të shumta teknike gjatë punës së tyre. /Telegrafi/