Pas raportimeve të shumta, Real Madridi del me deklaratë zyrtare rreth të ardhmes së Florentino Perezit

Florentino Perez është president i Real Madridit prej shumë vitesh. Ai e mori detyrën në vitin 2000, të cilën e mbajti deri në vitin 2006 dhe më pas e rifitoi tre vjet më vonë.

Shumë vite më vonë, ai është ende i përfshirë masivisht me Real Madridin dhe dashuria e tij për klubin dhe për punën nuk ka kufi, pavarësisht zërave për një largim të mundshëm, të cilin klubi e sqaroi në një deklaratë zyrtare .

“Në disa rrjete sociale janë shfaqur disa thashetheme në të cilat thuhet se presidenti Florentino Perez gjoja do të mendonte të largohej nga presidenca e klubit”, thuhet fillimisht në njoftimin e gjigantit spanjoll.

Lexo po ashtu Zbulohet sa fitoi Real Madridi nga turneu parasezonal në SHBA

“Real Madrid CF dëshiron të deklarojë sa vijon: Këto thashetheme janë kategorikisht të rreme dhe i binden disa interesave që nuk kanë lidhje me realitetin”.

“Në Asamblenë e Përgjithshme të ardhshme të Anëtarëve që përfaqësojnë Real Madridin nuk do të ketë asnjë pikë në rendin e ditës në të cilën do të diskutohet emri i Real Madrid City”, thuhet më tej në reagimin e Los Blancos.

Pika e fundit i referohet raportimeve se kompleksi stërvitor i Valdebebas mund të riemërohet me emrin e Perezit, por Real Madridi ka lëvizur shpejt për të shuar këto thashetheme, si dhe ato që 76-vjeçari mund të largohet. /Telegrafi/

Comunicado Oficial.#RealMadrid

— Real Madrid C.F. (@realmadrid) August 5, 2023