Pedri ishte lojtari më i mirë në fushë në humbjen e Spanjës nga Italia në gjysmëfinalen të Euro 2020 në ‘Wembley’.

Azzurrët kaluan në finale pas fitores 4-2 në goditjet e penalltive, ku Jorginho shënoi penalltinë fituese, pasi që Alvaro Morata kishte gabuar para Gianluigi Donnarummas.

Pedri, aktualisht 18 vjeç ishte ishte në lot pas ndeshjes, ku Italia festonte, ndërsa ai ngushëllohej nga shoku i skuadrës Thiago Alcantara.

Por, mesfushori i Barcelonës duhet të jetë jashtëzakonisht krenar për mënyrën se si ka luajtur në këtë turne.

Lojtari më i ri i skuadrës, ishte lojtari më i mirë i Spanjës në Euro 2020 dhe loja e tij e fundit tregon që ai do të jetë një nga mesfushorët e këtij brezi, që do a sundojë këtë sport.

Ai ishte i jashtëzakonshëm në mesfushë, duke bërë një numër të madh pasimesh dhe duke krijuar raste për shokët e tij të skuadrës.

Pedri arriti një saktësi thjesht absurde të pasimit prej 97 për qind në 120 minuta.

Në kohën e rregullt ai nuk e kishte gabuar asnjë pasim 55/55 dhe ishte vetëm në kohën shtesë kur ai gaboi dy dhe e përfundoi ndeshjen me një numër prej 65 pasime të sakta nga 67 tentime.

Kjo ishte ndeshja e tij e 66-të e sezonit për klubin dhe vendin dhe kështu që të performosh në një nivel të tillë është e jashtëzakonshme.

Pas ndeshjes, Luis Enrique i dha Pedrit komplimentin duke e krahasuar atë me legjendarin Andres Iniesta, i cili ishte një lojtar kyç i Spanjës.

“Por ajo që Pedri ka bërë në këtë turne, në moshën 18 vjeç, askush nuk e ka bërë, madje as Andres Iniesta nuk e ka bërë, është e pabesueshme, unike”, deklaroi ai. /Telegrafi/