Opozita shqiptare e demantoi kreun e BDI-së, Ali Ahmetin, i cili mbrëmë shprehu dëshpërim, për shkak siç tha ai, bojkotimit të rrethit të dytë të zgjedhjeve presidenciale të krerëve të partive opozitare shqiptare, përkatësisht Lëvizja Besa dhe Aleanca për Shqiptarët.

“E dinim që kemi opozitë e cila s’është e gatshme për rrugëtim të gjatë. Sot jam i dëshpëruar për shkak të bojkotimit të liderëve opozitarë ndaj një procesi të madh që u mbajt në vendin tonë”, tha Ahmeti, përcjell Telegrafi Maqedoni.

Në Lëvizja Besa e demantojnë deklaratën e Ahemtit duke thënë se Bilall Kasami ka qenë në votim ndërsa dëshmi për këtë janë fotografitë dhe deklaratën e Kasamit pas votimit.

Ahmeti: BDI ka siguruar rreth 137 mijë vota për Pendarovskin Ahmeti: BDI ka siguruar rreth 137 mijë vota për Pendarovskin

Kryetari i Aleancës për Shqiptarët, Ziadin Sela nuk dëshironte të përgjigjej nëpërmjet telefonit, vetëm se më gjatë ditës mund të flasë para kamerës për të zbuluar nëse ka votuar apo jo.

Sekretari i Përgjithshëm dhe kryetari i komunës së Gostivarit, Arben Taravari, tha se nuk e ka realizuar të drejtën e tij të votës. Këtë e vërtetoi vet Taravari, duke thënë se me veprim të tillë ju ka dërguar mesazh partnerëve të koalicionit se komunës së Gostivarit i kanë shkaktuar problemei. Ai thotë se BDI është nismëtar i këtyre problemve, ndërsa LSDM është zbatues.

“Arsyet janë parimore. Parimore janë për shkak se të votoja dje do të dilte sikur vuaj nga sindromi i Stokholmit, do të thotë të mbështshës ata që maltertojnë. Dërgova mesazh se diçka nuk është në rregull, dhe kjo që po ndodh në Gostivar nuk ka ndodhur as në kohën e regjimit të Gruevskit”, tha Taravari./Telegrafi/