LAJMI I FUNDIT:

OpenAI, Google, të tjerët zotohen të vulosin përmbajtjen e inteligjencës artificiale për sigurinë, thotë Shtëpia e Bardhë

OpenAI, Google, të tjerët zotohen të vulosin përmbajtjen e inteligjencës artificiale për sigurinë, thotë Shtëpia e Bardhë

Kompanitë e inteligjencës artificiale përfshirë edhe OpenAI, Alphabet dhe Meta Platforms kanë bërë përkushtim vullnetar tek Shtëpia e Bardhë për të implementuar masa si vulosja e përmbajtjes së gjenerurar nga inteligjenca artificiale për të ndihmuar në bërjen e teknologjisë më të sigurt, njoftoi të premten presidenti Joe Biden.

“Këto përkushtime janë një hap premtues, por ne të gjithë së bashku duhet të punojmë më shumë”, tha Biden.


Në një event të Shtëpisë së Bardhë, Biden adresoi shqetësimet e tij për potencialin që inteligjenca artificiale ka që të përdoret për qëllime përçarëse, duke thënë “ne duhet të jemi sy hapur dhe vigjilent ndaj kërcënimeve nga teknologjitë në zhvillim” ndaj demokracisë të SHBA-ve, raporton Reuters, transmeton Telegrafi.

Kompanitë – të cilat përfshijnë edhe Anthropic, Inflection, Amazon dhe Microsoft – u zotuan të testojnë plotësisht sistemet përpara se t’i lëshojnë ato dhe të shpërndajnë informacione se si të reduktohen rreziqet dhe të investohen në sigurinë kibernetike.

Ky veprim shihet si një fitore për përpjekjet e administratës Biden për rregullimin e teknologjisë e cila përjetoi një shpërthim në investim dhe popullaritet tek klientët.

“Ne mirëpresim lidershipin e presidentit në bashkimin e industrisë së teknologjisë për të hartuar hapa konkretë që do të ndihmojnë për ta bërë AI më të sigurt, më të sigurt dhe më të dobishme për publikun”, tha Microsoft në një postim në blog të premten.

Meqenëse inteligjenca artificiale gjeneruese, e cila përdor të dhëna për të krijuar përmbajtje të reja si proza me tingull njerëzor të ChatGPT-së, u bë jashtëzakonisht e popullarizuar këtë vit, ligjvënësit në mbarë botën filluan të konsiderojnë se si të zbusin rreziqet e teknologjisë në zhvillim për sigurinë kombëtare dhe ekonominë.

Kongresi po shqyrton një projekt-ligj që do të kërkonte që reklamat politike të zbulojnë nëse inteligjenca artificiale është përdorur për të krijuar imazhe ose përmbajtje të tjera.

Si pjesë e përpjekjes, shtatë kompanitë u zotuan të zhvillojnë një sistem për të “vulosur” të gjitha format e përmbajtjes, nga teksti, imazhet, audiot, deri te videot e krijuara nga inteligjenca artificiale, në mënyrë që përdoruesit të dinë se kur është përdorur teknologjia.

Kjo vulosje, e ngulitur në përmbajtje në një mënyrë teknike, me sa duket do ta bëjë më të lehtë për përdoruesit të dallojnë imazhe ose audio të rreme që mund, të tregojnë dhunë që nuk ka ndodhur, të krijojnë një mashtrim më të mirë ose të shtrembërojnë një foto të një politikani për ta vënë personin në një pozitë jo të këndshme. /Telegrafi/

Në trend Teknologji

Më shumë
Zhvillohet gara e parë midis një aeroplani luftarak me pilot njerëzor dhe një tjetri të kontrolluar nga Al

Zhvillohet gara e parë midis një aeroplani luftarak me pilot njerëzor dhe një tjetri të kontrolluar nga Al

Teknologji
Veçoria e ardhshme e Google Maps ju dërgon në destinacionin e dëshiruar pa pasur nevojë për internet

Veçoria e ardhshme e Google Maps ju dërgon në destinacionin e dëshiruar pa pasur nevojë për internet

Teknologji
Viber prezanton funksionin e ri me Al

Viber prezanton funksionin e ri me Al

Teknologji
Një veçori e re po testohet për WhatsApp, shkruani tekst dhe krijohet një imazh për ju

Një veçori e re po testohet për WhatsApp, shkruani tekst dhe krijohet një imazh për ju

Teknologji
Një nga modelet e ardhshme të iPhone 17 do të pësojë një ndryshim të madh

Një nga modelet e ardhshme të iPhone 17 do të pësojë një ndryshim të madh

Teknologji
Apple me një tjetër prezantim madhor në WDCC: Mac Pro dhe Mac Studio me çipin M2 Ultra

Apple me një tjetër prezantim madhor në WDCC: Mac Pro dhe Mac Studio me çipin M2 Ultra

Teknologji
Kalo në kategori