0Shares

Oklahoma City Thunder ka marrë fitoren e 25 këtë edicion në NBA.

Të udhëhequr nga dyshja Paul George e Russell Westbrook, Thunder kanë triumfuar në udhëtim tek Portland Trail Blazers me dy pikë epërsi 109:111.

Në dy çerekët e parë, më të mirë ishin vendasit që shkuan në pushim me pesë pikë diferencë.

Por çereku i tretë ishte ai që Oklahoma bëri diferencën pasi shkriu epërsinë e vendasve dhe e mbylli këtë çerek me pesë pikë diferencë për ta ruajtur deri në fund epërsinë e krijuar.

Paul George me 37 pikë, tetë kërcime e dy asistime ishte më efikasi tek mysafirët.

Me lojë të mirë u dallua edhe Russell Westbrook që realizoi 31 pikë, nëntë kërcime e shtatë asistime.

Vendasve nuk iu ndihmuan as 23 pikët e Damien Lillard dhe 22 të tjera të Jusuf Nurkic.

Ndërkohë Los Angeles Lakers është befasuar në Stamples Center pasi ka pësuar humbje nga New York Knicks 112:119.

Mungesat e LeBron James, Kyle Kuzma dhe Rajon Rondo ndikuan që Lakers të humbasin këtë takim.

Tim Hardaway JR ishte më efikasi për mysafirët me 22 pikë e gjashtë kërcime. /Telegrafi/

Rezultatet:

Cleveland Cavaliers – Utah Jazz 91:117

Boston Celtics – Dallas Mavericks 114:93

Chicago Bulls – Indiana Pacers 116:119

Memphis Grizlies – Brooklyn Nets 100:109

Miami Heat – Washington Wizards 115:109

Minnesota Timberwolves – Orlando Magic 120:103

Milwaukee Bucks – Atlanta Hawks 144:112

Phoenix Suns – Los Angeles Clippers 111:121

Los Angeles Lakers – New York Knicks 112:119

Portland Trail Blazers – Oklahoma City Thunder 109:111

Të Ngjajshme
Shfaq Komentet (0)