Boksieri shqiptar, Nuri Seferi, ka arritur në Sochi të Rusisë, ku të shtunën (31 tetor) do ta zhvillojë duelin përballë Murat Gassiev.
Përmes një njoftimi në rrjetet sociale, 43-vjeçari ka bërë të ditur se është pritur mirë në aeroport, ku kishte takuar edhe shqiptarë.
“Miqtë e mi, sot mbërrita në Sochi, pata një pritje shumë të ngrohtë edhe u befasova shumë që takova edhe miq shqiptarë që më prisnin ne aeroport!”.
(Foto: Facebook/Nuri "Albanian Tyson" Seferi)
“Të dashurit e mi, faleminderit që mi bëni këto ditë edhe më të lehta me mbështetjen tuaj të pakushtëzuar”, ka shkruar boksieri në një postim në Facebook.
Ndryshe, Seferi, i cili në karrierën e tij numëron 41 fitore dhe nëntë humbje, më 31 tetor do të përballet me 27-vjeçarin Murat Gassiev, i cili ka arritur 26 fitore dhe vetëm një humbje në karrierën e tij. /Telegrafi/
(Foto: boxrec.com)
