Nuk u kishte ndodhur që nga viti 2007, Lionel Messi dhe Cristiano Ronaldon nuk janë më lojtarët më të vlerësuar në video-lojën “FIFA”

Lionel Messi dhe Cristiano Ronaldo nuk do të jenë lojtarët më të vlerësuar në FIFA 23.

Për herë të parë që nga viti 2007, një lojtar i ri do të mburret me vlerësimin më të mirë në video-lojë.

Argjentinasi 35-vjeçar u vlerësua me 93 në edicionin e mëparshëm të lojës, FIFA 22 – me Robert Lewandowskin që vinte nga pas me 92.

Cristiano Ronaldo doli në vendin e tretë të përbashkët me një vlerësim prej 91, të barabartë me yllin e Paris Saint-Germain, Kylian Mbappe.

Por, fituesi i Kupës së Botës ka marrë një vlerësim prej 93 sipas FutZoneFIFA – një total i pakrahasueshëm me asnjë lojtar tjetër në FIFA 23.

Mbappe është shpërblyer pas një sezoni të mrekullueshëm ku ai shënoi 39 gola dhe 26 asistime për PSG-në.

Reprezentuesi francez mori gjithashtu një kontratë të re për të pasqyruar rëndësinë e tij për klubin – duke e rritur pagën e tij për më shumë se dy milionë euro në javë.

Mbappe thuhet se ka pozuar për lojën e re të FIFA-s pasi vizitoi studiot e FIFA-s.

Kjo përfshin fotografi me kartën e tij FIFA, e cila tregon vlerësimin e tij të përgjithshëm dhe vlerësimin e tij për atributet, duke përfshirë ritmin, gjuajtjen, pasimin, driblimin, mbrojtjen dhe fizikun.

Deri më tani, kartoni i Mbappes është i vetmi që është zbuluar, me Messin dhe Ronaldon që ndoshta kanë rënë nën 90 për herë të parë ndër vite.

Messi pati vështirësi në vitin e tij të parë në PSG, duke shënuar vetëm gjashtë gola në 26 ndeshje të ligës.

Ronaldo u paraqit më mirë te Manchester United me 24 gola në të gjitha garat, por sulmuesi tani është i paqëndrueshëm në klub. /Telegrafi/