LAJMI I FUNDIT:

Nuk ka fitues në derbin e Ligës Premier: City dhe Liverpooli ndajnë pikët

Nuk ka fitues në derbin e Ligës Premier: City dhe Liverpooli ndajnë pikët
Foto: Liverpool FC/Twitter

Manchester City dhe Liverpooli i kanë ndarë pikët në kuadër të javës së tetë në Ligën Premier.

The Reds filluan mjaftë mirë takimin, duke rrezikuar që nga minuta e parë, dhe për këtë mund u shpërblyen.

Kyle Walker shkaktoi penallti, derisa në gol për Liverpoolin e konvertoi Mohamed Salah në minutën e 13-të.

Por, skuadra që drejtohet nga Jurgen Klopp, nuk arriti të mbante epërsinë e krijuar në Etihad Stadium.

Manchester City arriti t’i barazonte shifrat në 1-1 me një gol fantastik nga ana e Gabriel Jesus në minutën e 31-të, me një asistim të Kevin de Bruynes.

Mirëpo, mesfushori belg kishte shansin që të përmbyste rezultatin në favor të skuadrës së tij, por që gaboi nga penalltia në minutën e 41-të, duke dërguar topin jashtë kornizës së portës.

Në 45 minutat e dytë, ritmi i lojës ishte edhe më i lartë, mirëpo munguan golat.

Ishte minuta e 55-të kur Jesus kishte një shans të mirë, mirëpo goditja e tij me kokë përfundoi jashtë porte.

Trent Alexander-Arnold (63′) pësoi një lëndim dhe nuk arriti të vazhdonte ndeshjen, duke liruar vendin për James Milnerin.

Xherdan Shaqiri që u inkuadruar në vend të Roberto Firminos dhuroi një harkim të bukur në zonën e Manchester Cityt, mirëpo asnjë lojtar i Liverpoolit nuk ishte aty që t’i përgjigjej.

Në fund, të dy skuadrat u ndanë të kënaqura me nga një pikë, në kuadër të javës së tetë.

Liverpooli është aktualisht në vendin e tretë me 17 pikë, aq sa ka edhe Tottenhami në të dytin, gjersa Manchester City është në të 11-in me 12 sosh.

Në javën e nëntë, Liverpooli do të takohet me Leicesterin, ndërsa City do të ketë punë me Tottenhamin. /Telegrafi/

Në trend Sport

Më shumë

"Unë thjeshtë dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Gol fenomenal nga Xherdan Shaqiri prej gjuajtjes së lirë

Gol fenomenal nga Xherdan Shaqiri prej gjuajtjes së lirë

Përfaqësueset
Zbulohen dhe renditen 10 sulmuesit më të mirë të të gjitha kohërave, shumë befasi në listë

Zbulohen dhe renditen 10 sulmuesit më të mirë të të gjitha kohërave, shumë befasi në listë

Ndërkombëtare
Kompletohen grupet e Euro 2024 pas kualifikimit të tri kombëtareve të fundit

Kompletohen grupet e Euro 2024 pas kualifikimit të tri kombëtareve të fundit

Përfaqësueset
Philipp Lahm parashikon se kush do ta fitojë Euro 2024 - kërkon një befasi të madhe

Philipp Lahm parashikon se kush do ta fitojë Euro 2024 - kërkon një befasi të madhe

Përfaqësueset
Kalo në kategori