Novitec qëndron pas hibridit edhe më të fuqishëm Ferrari SF90 Stradale

Rezultati i punës në kompaninë gjermane të akordimit Novitec është përbindëshi hibrid i Ferrarit që drejton më shumë se 1100 kuaj/fuqi.

Ndërsa Ferrari është duke përgatitur intensivisht SF90 Stradale, i cili fshihet pas emrit të brendshëm Versione Speciale, dhe do të optimizohet për përdorim në pistë, kompania e famshme gjermane e akordimit Novitec ka përgatitur krijimin e saj me temën e hibridit “plug-in”.

Novitec nuk u mor me motorët elektrikë të Ferrarit, por me një sistem të ri shkarkimi dhe modifikime në njësinë e kontrollit elektronik, ata rritën fuqinë e motorit 4-litërsh V8, i cili në vend të 780 tani zhvillon 889 kuaj/fuqi.

Me mbështetjen e tre motorëve elektrikë, shoferi tani mund të llogarisë në 1,109 HP, që mjafton që Ferrari me dy ulëse me lëvizje nëpër të dy akset të arrijë “qindëshin” në 2.4 sekonda, nga 0 në 200 km/h në 6, 3. sekonda dhe zhvillon më shumë se 340 km/h.

Së bashku me më shumë fuqi, erdhi një pezullim i modifikuar që e afron pasardhësin e LaFerrari-t 30 milimetra më afër tokës.

Së bashku me disa komponentë të trupit të karbonit, Novitec ofron gjithashtu disa opsione të rripave prej alumini 20 dhe 21 inç. Çmimi i përfundimit nuk është bërë i ditur. /Telegrafi/