Një i ri u gjet me kokë të prerë në shtëpinë e tij në Torino të Italisë

Një burrë 25-vjeçar nga Bangladeshi u gjet me kokë të prerë në dhomën e gjumit të shtëpisë së tij në Torino.

Sipas mediave të huaja, përcjell Telegrafi, detajet e ngjarjes së ndodhur të mërkurën herët janë dhënë nga burimet hetimore.

Viktima është quajtur si Mohammad Ibrahim.

Trupi i tij u gjet nga bashkëbanuesi i tij, një shok tjetër nga Bangladeshi, i cili thirri policinë, thanë burimet.

Bashkëbanuesi i tij dhe një numër personash të tjerë, përfshirë disa nga Bangladeshi, po merren në pyetje nga policia. /Telegrafi/