Cristiano Ronaldo është një nga lojtarët më të mirë jo vetëm në histori të Real Madridit, por edhe në atë të futbollit në përgjithësi.
Ditë më parë me golin e tij ai i dha Realit titullin në Kupën e Botës për Klube dhe me këtë rast më poshtë keni të gjithë titujt në të cilët CR7 ka qenë vendimtar.
Por, më e bukura është çdo gjë është e përkthyer në vlerë monetare.
Kupa e Mbretit 2010/11:
Ronaldo shënoi shtatë gola, përfshirë dhe atë në finale ndaj Barcelonës, e që në fund i dha titullin Realit.
Shuma e fituar nga Reali pas këtij triumfi: 1.28 milionë euro
La Liga 2011/12:
Një sezon fantastik për portugezin, ai shënoi 46 gola dhe dhuroi 12 asistime në La Liga.
Shuma e fituar nga Reali pas këtij triumfi: E pakonfirmuar
Superkupa e Spanjës 2012:
Shënoi në dy ndeshjet ndaj Barcelonës dhe kështu i dha një tjetër titull Realit.
Shuma e fituar nga Reali pas këtij triumfi: Një milion euro
Liga e Kampionëve 2013/14:
Shënoi 17 gola, përfshirë atë në finale ndaj Atletico Madridit, plus një asistim.
Shuma e fituar nga Reali pas këtij triumfi: 28.3 milionë euro
Superkupa e Evropës 2014:
Shkatërroi Sevillan me dy gola në finale
Shuma e fituar nga Reali nga ky triumf: Tre milionë euro
Liga e Kamionëve 2015/16:
Shënoi 16 gola dhe penalltinë finale ndaj Atleticos
Shuma e fituar nga Reali nga ky triumf: 41.5 milionë euro
Kupa e Botës për Klube 2016:
Shënoi katër gola, tre nga ata në finalen ku Los Blancos vuajtën më shumë se që pritej (Real Madrid 4-2 Kashima Antlers).
Shuma e përfituar nga Reali pas këtij triumfi: Katër milionë euro
Liga e Kampionëve 2016/17:
Shënoi 12 gola, pesë kundër Bayernit, tre në gjysmëfinale ndaj Atleticos dhe dy në finale ndaj Juventusit
Shuma e fituar nga Reali pas këtij triumfi: 41.5 milionë euro
La Liga 2016/17:
Shënoi 25 gola në 29 ndeshje në La Liga. Nga kjo Reali fitoi: 20.8 milionë euro
Superkupa e Spanjës 2017:
Reali fitoi ndaj Barcelonës pas dy ndeshjeve me rezultat të përgjithshëm 1-5, Ronaldo shënoi një gol.
Shuma e fituar nga Reali pas këtij triumfi: Një milion euro
Kupa e Botës për Klube 2017:
Shënoi në gjysmëfinale, por edhe në finale dhe kështu i dha titullin e pestë vjetor Realit.
Shuma e fituar nga Reali pas këtij triumfi: 4.2 milionë euro
TOTALI: 146.510.000 euro.
Vlen të theksohet se Ronaldo u ble nga Reali në vitin 2009 për 94 milionë euro. /Telegrafi/
