Një 90-vjeçare është nxjerrë e gjallë nga shtëpia e shembur pesë ditë pasi tërmeti vrau 126 njerëz në Japoni

Një grua e moshuar është nxjerrë e gjallë nga një shtëpi e shembur 124 orë pasi një tërmet i fuqishëm goditi Japoninë.

Sipas mediave të huaja, përcjell Telegrafi, banorja e bllokuar, e cila është në moshën 90-vjeçare, kishte mbijetuar për më shumë se pesë ditë në qytetin Suzu, prefektura Ishikawa, pasi lëkundjet me magnitudë 7.6 goditën bregdetin perëndimor të vendit të hënën.

Lexo po ashtu Banorët shpëtuan, por shihni çfarë u bëri shtëpive një rrëshqitje dheu - pas tërmetit shkatërrues në Japoni

Punonjësit e shpëtimit mbuluan skenën me plastikë blu të shtunën dhe gruaja nuk ishte e dukshme në pamjet e lajmeve të televizionit kombëtar.

An elderly woman has been rescued tonight, 124 hours after the earthquake occurred in Japan’s Ishikawa Prefecture on Monday. She was found trapped in a collapsed house in Suzu City. Her survival is a miracle. This footage is from The Chunichi Shimbun. Watch ↓. 🇯🇵 🚨 pic.twitter.com/oOUjsqVi7F

— Cole Cameron (@colecameron) January 6, 2024

Të enjten, një grua rreth të 80-ave u shpëtua gjithashtu nga rrënojat e shtëpisë së saj. Shanset e njerëzve për t’i mbijetuar tërmeteve shpesh zvogëlohen pas 72 orëve të para.

Lexo po ashtu Imazhe satelitore që tregojnë shkatërrimin masiv, pas një serie tërmetesh të fuqishme që goditën të hënën Japoninë

Të paktën 126 njerëz janë konfirmuar tani të vdekur, 500 u lënduan dhe më shumë se 200 janë ende të zhdukur, pasi pasgoditjet kërcënojnë të “varrosin” shtëpitë dhe të bllokojnë rrugët.

Tërmeti shkatërroi infrastrukturën dhe ndërpreu energjinë në 22,000 shtëpi në rajonin e Hokuriku, ndërsa më shumë se 30,000 të evakuuar presin ndihmë. /Telegrafi/