Nicolas Anelka e quan të tmerrshme periudhën e kaluar te Juventusi

Nicolas Anelka ka folur për sikletin që ndjenë sa herë që përmendet Juventusi, klub me të cilin ka luajtur për gjashtë muaj.

Pas një karriere në Francë, Angli, Turqi, Kinë dhe Indi, ish-sulmuesi i njohur gjendjen e tij të kaluar në Itali, e quan si më të keqen e karrierës.

Ai nënshkroi për një huazim gjashtëmujore nga Shanghai Shenhua në janar të vitit 2013, por Anelka luajti vetëm tre herë dhe nuk arriti të shënojë asnjë gol.

Duke folur për TuttoJuve, francezi 40 vjeç, tha: “Unë kisha vendosur të pranoja Juven sepse është një klub i shkëlqyeshëm, me një histori të mirë dhe gjithashtu sepse ata ishin duke e udhëhequr Serien A”.

“Fatkeqësisht, kjo do të mbetet përvoja ime më e keqe [në futboll] pasi kam luajtur vetëm 45 minuta dhe kurrë nuk e kam veshur fanellën në stadiumin e Juventusit, para tifozëve tanë”.

Lexo po ashtu Rabiot e Ramsey, yjet e rinj të ‘Zonjës’ – këta janë lojtarë që Juventusi i mori falas në 20 vitet e fundit

“Sinqerisht, kur dikush flet me mua për Juventusin përpiqem ta ndryshoj menjëherë temën … Kam turp për atë transferim”.

“Kam luajtur dhe shënuar për të gjitha ekipet ku kam nënshkruar, përveç Juves”, ka thënë Anelka.

Sulmuesi i kaloi dy muajt e parë në stol, dhe luajti tri herë nga stoli, por një lëndim pastaj e la jashtë. /Telegrafi/