Nga Verratti të Insigne: Nëntë lojtarët që shkëlqyen te Pescara dhe ju mund të mos e keni ditur
Kur dikush mendon për futbollin italian, ermi i Delfino Pescara 1936 mund mos t’i shkojë në mendje, sepse kampionati elitar italian dominohet zakonisht nga Juventusi, Milani dhe Interi.
Që nga themelimi i klubit 80 vite më parë, Pescara kryesisht ka funksionuar në Serie B dhe C.
Por, në vitet e fundit, Delfinat janë rritur shumë, ata ishin pjesë e Serie A dhe ishte shtëpia e disa lojtarëve që tani dominojnë futbollin evropian.
Më poshtë keni nëntë lojtarët më të njohur që në vitet e rinisë ishin pjesë e Pescaras:
Marco Verratti
Iu bashkua nga: Akademia
Paraqitjet te Pescara: 77 (dy gola)
Rrugëtimi në karrierë: Pescara, PSG.
Vlera e përgjithshme e transferimeve: 11.38 milionë euro
Edhe pse ishte në radarin e klubeve si Interi dhe Milani, Verratti nënshkroi kontratë me klubin nga qyteti i lindjes, Pescara. Si 16 vjeçari ai befasoi me paraqitje të mira dhe shpejt u bë pjesë e skuadrës së parë. Edhe pse u zhvillua si mesfushës sulmues, ai u ri-pozicionua në qendër të mesfushës nga Zdenek Zeman në sezonin 2011/12 dhe ishte vendimtar që klubi të ngjitet në Serie A si kampion.
Verratti u zgjedh lojtari më i mirë në Serie B dhe kështu më vonë kaloi të PSG, ku vazhdon të jetë një nga mesfushorët më të mirë në botën e futbollit.
Ciro Immobile
Iu bashkua nga: Juventus (në huazim)
Paraqitjet te Pescara: 37 (28 gola)
Rrugëtimi në karrierë: Juventus, Siena (huazim), Grosseto (huazim), Pescara (huazim), Genoa, Torino, Borussia Dortmund, Sevilla, Torino (huazim), Lazio.
Vlera e përgjithshme e transferimeve: 53.56 milionë euro
Kalimi i Ciro Immobiles nga akademia e Juventusit te ekipi i parë ishte një hap më i madh sa që duhej bërë në atë kohë. Ai u huazua më pas te Siena dhe Grosseto, por ishte huazimi te Pescara që e shpëtoi karrierën e tij, ai shënoi 20 gola 32 ndeshje në sezonin 2011/12.
Forma e italianit që nga atëherë ka pasur shumë ulje e ngritje, por se tani ka ri-gjetur prapë vetën tek Lazio.
Lorenzo Insigne
Iu bashkua nga: Napoli (huazim)
Paraqitjet te Pescara: 38 (20 gola)
Rrugëtimi në karrierë: Napoli, Foggia (huazim), Pescara (huazim).
Vlera e përgjithshme e transferimeve: Me parametra zero
Nuk është e vështirë të kuptosh se si Pescara e fitoi Serie B në sezonin 2011/12 me lojtarë si Verratti, Immobile dhe Lorenzo Insigne në një ekip.
Insigne ishte fantastik në huazim te Foggia dhe vazhdoi kështu te Pescara, duke shënuar 18 gola. Pas këtyre sukseseve Napoli e riktheu dhe sot ai është një nga sulmuesit anësor më kreativ në botë.
Gianluca Lapadula
Iu bashkua nga: Parma
Paraqitjet te Pescara: 46 (30 gola)
Rrugëtimi në karrierë: Pro Vercelli, Ivrea, Parma, Atletico Roma (huazim, Ravenna (huazim), San Marino (huazim), Cesena, Frosinone (huazim), Parma, Gorica (huazim), Teramo (huazim), Pescara, Milan, Genoa (huazim), Genoa.
Vlera e përgjithshme e transferimeve: 18.83 milionë euro
Një rrugëtim i mirë, edhe pse aktualisht 26 vjeçar, italiani ka veshur fanellat e 12 klubeve, përfshirë atë sllovene, Gorica. Nga të gjitha ai ishte më i suksesshmi te Pescara gjatë sezonit 2015/16.
Ashtu si më herët Immobile dhe Insigne para tij, golat e Lapadulas e ndihmuan Pescaran të fitojë ngritjen në ligë dhe më pas atë e dërguan te Milani në vitin 2016.
Mattia Perin
Iu bashkua nga: Genoa (huazim)
Paraqitjet te Pescara: 30
Rrugëtimi në karrierë: Genoa, Padova (huazim), Pescara (huazim), Juventus.
Vlera e përgjithshme e transferimeve: 11.72 milionë euro
Një tjetër ish-lojtar i Pescaras që është përfshirë në Përfaqësuesen e Italisë. Ishte një sezon i vështirë për Perinin në Serie A, në 20112/13 skuadra e tij përfundoi në vendin e 20-të ku në 30 paraqitje ai pranoi 66 gola dhe arriti ta mbajë portën e paprekur vetëm në pesë ndeshje.
Por, përkundër këtyre Genoa e riktheu, ndërsa në sezonin e fundit ishte pasues i Gianluigi Buffonit te Juventusi dhe Italia.
Vladimir Weiss
Iu bashkua nga: Manchester City
Paraqitjet te Pescara: 23 (Pesë gola)
Rrugëtimi në karrierë: Manchester City, Bolton (huazim), Rangers (huazim), Espanyol (huazim), Pescara, Olympiacos, Lekhwiya SC, Al-Gharafa.
Vlera e përgjithshme e transferimeve: 7.31 milionë euro
U cilësua si një lojtar me perspektivë te Man City, por që aktualisht luan në Abu Dhabi. Sllovaku ishte i huazuar në disa skuadra para se të kalonte te Pescara, pas paraqitjeve të mira ai u transferua te Olympiacosi ku fitoi Superligën e Greqisë dhe që nga viti 2014 luan në Katar.
Juan Quintero
Iu bashkua nga: Atletico Nacional
Paraqitjet te Pescara: 17 (Një gol)
Rrugëtimi në karrierë: Envigado, Atletico Nacional, Pescara, Porto, Rennes (huazim), Independiente Medellin (huazim), River Plate (huazim).
Vlera e përgjithshme e transferimeve: 12.27 milionë euro
Një tjetër ardhje në sezonin 2012/13, por edhe ky nuk qëndroi gjatë. Quintero pas paraqitjeve të mira te Pescarua u shikua si një nga lojtarët me të ardhme në futbollin evropian. Kaloi te Porto, por aventura e tij në Portugali nuk doli siç është pritur dhe tani luan për River Platen.
Birkir Bjarnason
Iu bashkua nga: Standard Liege
Paraqitjet te Pescara: 70 (14 gola)
Rrugëtimi në karrierë: Viking Stavanger, Bodo Glimt (huazim), Standard Liege, Pescara, Sampdoria, Pescara, FC Basel, Aston Villa.
Vlera e përgjithshme e transferimeve: 3.91 milionë euro
Fillimisht iu bashkua Pescaras për një sezon në formë të huazimit nga Standard Liege në vitin 2012, por Bjarnason nuk arriti të mbaj klubin italian në Serie A dhe kështu u largua drejt Sampdorias.
Pas një sezoni te skuadra nga qyteti i Genoas, islandezi u kthye në Pescara ku shpëtoi karrierën e tij duke shënuar 10 gola në 35 ndeshje. Pas kësaj ai vazhdoi te Baseli, ndërsa tani luan tek Aston Villa.
Gianluca Caprari
Iu bashkua nga: Roma
Paraqitjet te Pescara: 136 (24 gola)
Rrugëtimi në karrierë: Roma, Pescara, Inter, Pescara (huazim), Sampdoria.
Vlera e përgjithshme e transferimeve: 8.93
Një tjetër lojtar që shkëlqeu te Pescara, forma e tij e mirë bëri që ai të transferohet te Interit në vitin 2016, por pastaj u rikthyer prapë te Delfinët, e që tani është pjesë e Sampdorias.
Lucas Torreira
Iu bashkua nga: Montevideo Wanderers (akademia)
Paraqitjet te Pescara: 42 (6 gola)
Rrugëtimi në karrierë: Pescara, Pescara (huazim), Sampdoria, Arsenal.
Vlera e përgjithshme e transferimeve: 30.91 milionë euro
Ylli i Uruguait e filloi karrierën e tij evropiane te Pescara, fillimisht tek skuadra e të rinjve e pastaj vazhdoi në ekipin e parë. Në Serie A luajti për dy sezone edhe për Sampdorian, ndërsa tani është një nga lojtarët kryesor të Arsenalit. /Telegrafi/
Lufta Prigozhin - Putin
Më shumëNga Rubrika
Astrit Selmani gjen golin e parë me fanellën e Dinamo Bukureshtit
Një rast identik si ai i Yamal ka ndodhur edhe në Ligën Premier – por a u pranua goli?
Arteta dhe Pochettino startojnë me më të mirët në dispozicion: Arsenal – Chelsea, formacionet zyrtare
Real Madrid TV sulmon gjyqtarët e El Clasicos, pretendon se një nga golat e Barcelonës nuk ishte e rregullt
Edhe po të shënonte Yamal, sërish Barcelonës nuk do t'i pranohej goli - mediumi spanjoll sqaron skenarin
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
Man City dhe Arsenali në ‘luftë’ me njëra-tjetrën për shërbimet e sensacionit të Ligës Premier
Capello zgjedh katër gjeni të futbollit, nuk e përfshin Ronaldon
"90 për qind e gjyqtarëve anojnë nga Real Madridi", rikthehet deklarata e ish-gjyqtarit të La Ligës pas El Clasicos
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj