Yjet nuk turpërohen kur duan të tërheqin vëmendje, pos kur është fjala për problemet e tyre shëndetësore. Mirëpo, disa prej tyre kanë folur haptas në lidhje me sëmundjet e tyre reumatike.
Telegrafi jua sjell më poshtë listën e disa prej të famshmëve që vuajnë nga sëmundjet reumatike:
Morgan Freeman (Foto: Kevin Winter/Getty Images/Guliver)
Ndoshta nuk e keni ditur se aktori fitues i çmimit Oscar vuan nga fibromialgia – një sëmundje kronike reumatike, nga e cila vuajnë rreth 10 milionë njerëz. Ylli hollivudian ka treguar se ishte diagnostikuar me këtë sëmundje në vitin 2008 pas një aksidenti të komunikacionit.
Lady Gaga (Foto: Rodin Eckenroth/Getty Images/Guliver)
Para se ta publikonte dokumentarin “Gaga: Five Foot Two”, Lady Gaga kishte njoftuar përmes rrjeteve sociale se po vuante nga kjo sëmundje kronike. Në vitin 2010, kur ishte 24-vjeçare, këngëtarja kishte thënë se në familjen e saj ka pasur shumë të sëmurë me lupus. Tre vite më vonë, ajo u detyrua ta anulonte një pjesë të turneut për shkak të komplikimeve si pasojë e sëmundjeve reumatike.
Selena Gomez (Foto: Matt Winkelmeyer/Getty Images/Guliver)
Në vitin 2015, Selena Gomez njoftoi se kishte bërë një pushim nga turneu i saj për t’iu nënshtruar kimioterapisë për trajtimin e lupusit, një sëmundje autoimune që prek mbi 1.5 milionë njerëz në Shtetet e Bashkuara të Amerikës. Ajo ka pasur vazhdimisht probleme me sëmundjen, si pasojë e të cilës iu desh të bënte edhe transplantimin e veshkës. Njëherësh, këngëtarja ka vuajtur edhe nga ankthi dhe depresioni që lidhen me këtë sëmundje.
Toni Braxton (Foto: Jesse Grant/Getty Images for Lifetime/Guliver)
Këngëtarja amerikane ka pasur disa probleme shëndetësore gjatë jetës së saj. Në vitin 2008, ajo ishte operuar për heqjen e një tumori në gji, ndërsa më pas, ishte shtrirë sërish në spital duke treguar se ishte diagnostikuar me anginë mikrovaskulare (sëmundje enëve të vogla të gjakut). Në nëntor të vitit 2010, Toni kishte pranuar se ishte diagnostikuar me lupus eritematoid sistemik.
Mariah Carey dhe Nick Cannon (Foto: Alberto E. Rodriguez/Getty Images/Guliver)
Nikoqiri i “America’s Got Talent” dhe ish-bashkëshorti i Mariah Carey nuk e ka pasur idenë për lupusin, para se të mësonte se vuan nga kjo sëmundje në vitin 2012. Kjo sëmundje është shumë e rrallë te meshkujt (vetëm një në dhjetë të sëmurë janë meshkuj), ndërsa Cannon është një prej tyre.
Venus Williams (Foto: Julian Finney/Getty Images/Guliver)
Pas triumfit në raundin e parë të US Open në verën e vitit 2011, në moshë 31 vjeçare, Venus Williams u tërhoq nga loja e tenisit duke njoftuar se vuante nga sindroma Sjogren. Pasi u diagnostikua me këtë sëmundje, ajo u bë një aktiviste e madhe për rritjen e vetëdijesimit për këtë sëmundje autoimune.
Jared Leto (Foto: Kevin Winter/Getty Images for KROQ/Entercom/Guliver)
Aktori dhe muzikanti amerikan në vitin 2007 shtoi 30 kilogramë në peshë për të luajtur rolin e Mark David Chapman (vrasësit të John Lennonit) në filmin “Chapter 27”, gjë që ia shkaktoi një formë të podagrës. Disa vite pasi i hoqi kilogramët e tepërt, Leto është zotuar se nuk do të shtojë kurrë në peshë për nevojat e ndonjë filmi, sepse nuk dëshiron ta vë shëndetin e tij në rrezik.
Avril Lavigne (Foto: Kevork Djansezian/Getty Images/Guliver)
Avril Lavigne, e cila konsiderohej si princesha e zhanrit muzikor ‘pop-pank’, në vitin 2015 u zhduk nga syri i publikut për shkak të betejës me sëmundjen e Lymes. Këngëtarja tash është mirë, ndërsa e ka publikuar këngën “Head Above the Water” që përshkruan ditët kur mendonte se do të vdiste. Ajo gjithashtu ka themeluar një fondacion që mban emrin e saj dhe ndihmon njerëzit që kanë probleme si ajo.
Megan Park (Foto Andrew H. Walker/Getty Images/Guliver)
Aktorja kanadeze – e njohur më së shumti për rolin e nxitëses së tifozëve, Grace Bowman, në “The Secret Life of the American Teenager” – ka folur haptas për sëmundjen e saj në vitin 2015. Në një iniciativë për rritjen e vetëdijesimit për këtë sëmundje, 32-vjeçarja kishte thënë se po jetonte me këtë sëmundje që nga fëmijëria.
Dan Reynolds (Foto: Ethan Miller/Getty Images/Guliver)
Frontemeni i grupit “Imagine Dragons”, Dan Reynolds, vuan nga spondiliti ankilozant, një formë e artritit në shpinë. 29-vjeçari ka treguar se i injekton vetes barna imunosupresivë çdo dy javë, në mënyrë që të jetë në gjendje të shkojë nëpër turne. Njëherësh, ai ka thënë se kjo sëmundje është edhe arsyeja pse iu është përkushtuar shumë ushtrimeve fizike.
/Telegrafi/