Yjet nuk turpërohen kur duan të tërheqin vëmendje, pos kur është fjala për problemet e tyre shëndetësore. Mirëpo, disa prej tyre kanë folur haptas në lidhje me sëmundjet e tyre reumatike.
Sëmundjet reumatike karakterizohen me inflamacion që përfshin strukturat lidhëse ose mbështetëse të trupit – më së shpeshti nyjat, por nganjëherë edhe tendinet, ligamentet, eshtrat dhe muskujt. Dhimbja dhe ënjtja janë simptomat kryesore të këtyre sëmundjeve që shoqërohen edhe më vështirësi në lëvizje (sidomos në mëngjes), pastaj me skuqje dhe nxehje në pjesën e afektuar, ndërsa lodhja, vështirësitë në frymëmarrje dhe infeksionet e ndryshme – janë simptoma dhe shenja shoqëruese.
Telegrafi jua sjell më poshtë listën e disa prej të famshmëve që vuajnë nga sëmundjet reumatike:
Morgan Freeman, Fibromialgia
![](https://telegrafi.com/wp-content/uploads/2019/02/MorganFreeman1.jpg)
Ndoshta nuk e keni ditur se aktori fitues i çmimit Oscar vuan nga fibromialgia – një sëmundje kronike reumatike, nga e cila vuajnë rreth 10 milionë njerëz. Ylli hollivudian ka treguar se ishte diagnostikuar me këtë sëmundje në vitin 2008 pas një aksidenti të komunikacionit.
Lady Gaga, Fibromialgia
![](https://telegrafi.com/wp-content/uploads/2019/02/LadyGagafustan-2-e1549220386351.jpg)
Para se ta publikonte dokumentarin “Gaga: Five Foot Two”, Lady Gaga kishte njoftuar përmes rrjeteve sociale se po vuante nga kjo sëmundje kronike. Në vitin 2010, kur ishte 24-vjeçare, këngëtarja kishte thënë se në familjen e saj ka pasur shumë të sëmurë me lupus. Tre vite më vonë, ajo u detyrua ta anulonte një pjesë të turneut për shkak të komplikimeve si pasojë e sëmundjeve reumatike.
Fibromialgia që njihet edhe si sindroma e fibromialgisë (FMS), është një sëmundje kronike që shkakton dhimbje në gjithë trupin. Krahas dhimbjes së shpërndarë, njerëzit me këtë gjendje kanë edhe ndjeshmëri të shtuar ndaj dhimbjes, lodhje ekstreme dhe ngurtësi muskulore.
Selena Gomez, Lupus
![](https://telegrafi.com/wp-content/uploads/2019/02/SelenaGomezz.jpg)
Në vitin 2015, Selena Gomez njoftoi se kishte bërë një pushim nga turneu i saj për t’iu nënshtruar kimioterapisë për trajtimin e lupusit, një sëmundje autoimune që prek mbi 1.5 milionë njerëz në Shtetet e Bashkuara të Amerikës. Ajo ka pasur vazhdimisht probleme me sëmundjen, si pasojë e të cilës iu desh të bënte edhe transplantimin e veshkës. Njëherësh, këngëtarja ka vuajtur edhe nga ankthi dhe depresioni që lidhen me këtë sëmundje.
Toni Braxton, Lupus
![](https://telegrafi.com/wp-content/uploads/2019/02/ToniBraxtonshtrie-e1549219587486.jpg)
Këngëtarja amerikane ka pasur disa probleme shëndetësore gjatë jetës së saj. Në vitin 2008, ajo ishte operuar për heqjen e një tumori në gji, ndërsa më pas, ishte shtrirë sërish në spital duke treguar se ishte diagnostikuar me anginë mikrovaskulare (sëmundje enëve të vogla të gjakut). Në nëntor të vitit 2010, Toni kishte pranuar se ishte diagnostikuar me lupus eritematoid sistemik.
Nick Cannon, Lupus
![](https://telegrafi.com/wp-content/uploads/2019/02/MariahNickCannon.jpg)
Nikoqiri i “America’s Got Talent” dhe ish-bashkëshorti i Mariah Carey nuk e ka pasur idenë për lupusin, para se të mësonte se vuan nga kjo sëmundje në vitin 2012. Kjo sëmundje është shumë e rrallë te meshkujt (vetëm një në dhjetë të sëmurë janë meshkuj), ndërsa Cannon është një prej tyre.
Lupusi eritematoid sistemik që njihet shkurt si lupus, është një sëmundje autoimune, në të cilën sistemi imunitar i organizmit i sulmon gabimisht indet e shëndetshme në shumë pjesë të trupit. Simptomat dallojnë te njerëzit e ndryshëm dhe mund të jenë nga të lehtë deri në të rëndë. Simptomat më të shpeshta janë dhimbja dhe ënjtja e nyjave, ethet, dhimbja e gjoksit, humbja e flokëve, ulcerat në gojë, ënjtja e nyjave limfatike, ndjenja e lodhjes dhe skuqja e lëkurës më së shpeshti në fytyrë. Zakonisht ka periudha të sëmundjes dhe periudha të lehtësimit, kur simptomat janë më të lehta.
Venus Williams, Sindroma Sjogren
![](https://telegrafi.com/wp-content/uploads/2019/02/VenusWilliams.jpg)
Pas triumfit në raundin e parë të US Open në verën e vitit 2011, në moshë 31 vjeçare, Venus Williams u tërhoq nga loja e tenisit duke njoftuar se vuante nga sindroma Sjogren. Pasi u diagnostikua me këtë sëmundje, ajo u bë një aktiviste e madhe për rritjen e vetëdijesimit për këtë sëmundje autoimune.
Sindroma Sjogren është një sëmundje autoimune – që do të thotë se sistemi imunitar sulmon në mënyrë të gabuar trupin tuaj. Te kjo sindromë sulmohen gjëndrat që tajojnë lotin dhe pështymën. Në këtë mënyrë shkaktohet tharje e gojës dhe syve, ndërsa shoqërohet edhe me lodhje dhe dhimbje kronike.
Jared Leto, Podagra
![](https://telegrafi.com/wp-content/uploads/2019/02/JaredLeto.jpg)
Aktori dhe muzikanti amerikan në vitin 2007 shtoi 30 kilogramë në peshë për të luajtur rolin e Mark David Chapman (vrasësit të John Lennonit) në filmin “Chapter 27”, gjë që ia shkaktoi një formë të podagrës. Disa vite pasi i hoqi kilogramët e tepërt, Leto është zotuar se nuk do të shtojë kurrë në peshë për nevojat e ndonjë filmi, sepse nuk dëshiron ta vë shëndetin e tij në rrezik.
Podagra (Gout) është një formë e artritit që shkaktohet nga sasia e tepërt e acidit urik në qarkullimin e gjakut. Simptomat e kësaj sëmundjeje kanë të bëjnë me formimin e kristaleve të acidit urik në nyja dhe përgjigjen e organizmit ndaj tyre. Më së shpeshti podagra prek nyjën në bazën e gishtit të madh.
Avril Lavigne, Sëmundja Lyme
![](https://telegrafi.com/wp-content/uploads/2019/02/AvrilLavignen-e1549223802797.jpg)
Avril Lavigne, e cila konsiderohej si princesha e zhanrit muzikor ‘pop-pank’, në vitin 2015 u zhduk nga syri i publikut për shkak të betejës me sëmundjen e Lymes. Këngëtarja tash është mirë, ndërsa e ka publikuar këngën “Head Above the Water” që përshkruan ditët kur mendonte se do të vdiste. Ajo gjithashtu ka themeluar një fondacion që mban emrin e saj dhe ndihmon njerëzit që kanë probleme si ajo.
Sëmundja Lyme, e cila njihet edhe si Borreliosa Lyme, është një sëmundje infektive e shkaktuar nga llojet e bakterit Borrelia (Borrelia burgdorferi, Borrelia afzelii e Borrelia garinii) që bartet me anë të rriqrave. Shenja më e shpeshtë e infeksionit është një zonë e gjerë e skuqur e lëkurës që quhet ‘erythema migrans’, e cila paraqitet përreth vendit të pickimit nga rriqrat. Sëmundja mund të shkaktojë një sërë problemesh fizike dhe mendorë nëse nuk mjekohet me kojë. Mjekohet kryesisht me antibiotikë, ndërsa shërimi mund të zgjasë disa muaj, por edhe vite.
Megan Park, artrit reumatik
![](https://telegrafi.com/wp-content/uploads/2019/02/MeganPark.jpg)
Aktorja kanadeze – e njohur më së shumti për rolin e nxitëses së tifozëve, Grace Bowman, në “The Secret Life of the American Teenager” – ka folur haptas për sëmundjen e saj në vitin 2015. Në një iniciativë për rritjen e vetëdijesimit për këtë sëmundje, 32-vjeçarja kishte thënë se po jetonte me këtë sëmundje që nga fëmijëria.
Artriti reumatik është forma më e shpeshtë e artritit autoimun. Shkaktohet kur sistemi imunitar (sistemi mbrojtës i organizmit) nuk funksionon si duhet, por i sulmon indet e veta. Kjo sëmundje shkakton ënjtje dhe dhimbje të nyjave të duarve dhe këmbëve. Me ndihmën e terapisë pengohet dhimbja dhe ënjtja.
Dan Reynolds, Spondilit ankilozant
![](https://telegrafi.com/wp-content/uploads/2019/02/DanReynolds.jpg)
Frontemeni i grupit “Imagine Dragons”, Dan Reynolds, vuan nga spondiliti ankilozant, një formë e artritit në shpinë. 29-vjeçari ka treguar se i injekton vetes barna imunosupresivë çdo dy javë, në mënyrë që të jetë në gjendje të shkojë nëpër turne. Njëherësh, ai ka thënë se kjo sëmundje është edhe arsyeja pse iu është përkushtuar shumë ushtrimeve fizike.
Spondiliti ankilozant është një formë e artritit që prek shtyllën kurrizore. Simptomat e kësaj sëmundjeje përfshijnë dhimbjen dhe shtangien nga qafa e deri në pjesën e poshtme të shpinës. Kockat e shpinës (vertebrat) bashkohen duke formuar një shtyllë kurrizore rigjide (të ngurtë). Këto ndryshime mund të jenë të lehta ose të rënda dhe mund të çojnë deri te deformimi i shtyllës kurrizore.
/Telegrafi/
Promo
Reklamo këtuLufta Prigozhin - Putin
Më shumëNga Rubrika
![Emily Ratajkowski shfaq barkun e saj të tonifikuar me një këmishë të zbërthyer, gjatë shëtitjes së qenit në New York](https://telegrafi.com/wp-content/uploads/2024/07/emily-2-380x233.jpg)
Emily Ratajkowski shfaq barkun e saj të tonifikuar me një këmishë të zbërthyer, gjatë shëtitjes së qenit në New York
![Sandra Bullock mbush 60 vjet, por gjithmonë në formë të shkëlqyer – sekretet e suksesit](https://telegrafi.com/wp-content/uploads/2024/07/Screenshot-2024-07-26-161710-380x233.png)
Sandra Bullock mbush 60 vjet, por gjithmonë në formë të shkëlqyer – sekretet e suksesit
![Jennifer Lopez tregon gjoksin e saj në rroba banje, në rezidencën milionëdollarëshe në Los Angeles](https://telegrafi.com/wp-content/uploads/2024/07/jen-380x233.jpg)
Jennifer Lopez tregon gjoksin e saj në rroba banje, në rezidencën milionëdollarëshe në Los Angeles
![E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë](https://telegrafi.com/wp-content/uploads/2024/07/bi-99999999999999-380x233.jpg)
E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë
![Lotina dhe Mozzik i bëjnë dedikim romantik njëri-tjetrit në 'Sunny Hill': Askush në këtë botë sikur ti](https://telegrafi.com/wp-content/uploads/2024/07/mozzik_1721990420_3420626026282760627_728904105-380x233.jpg)
Lotina dhe Mozzik i bëjnë dedikim romantik njëri-tjetrit në 'Sunny Hill': Askush në këtë botë sikur ti
![Bebe Rexha inkuadroi tupana në performancën e saj, solli frymë kombëtare në](https://telegrafi.com/wp-content/uploads/2024/07/bibibibibi-380x233.jpg)
Bebe Rexha inkuadroi tupana në performancën e saj, solli frymë kombëtare në "Sunny Hill 2024"
![Dua Lipa shfaqet](https://telegrafi.com/wp-content/uploads/2024/07/dua-lllll-380x233.jpg)
Dua Lipa shfaqet "shtatzënë" në reklamën e re për 'Porsche', fansat vërshojnë me komente
![Influencuesja kineze Baby Tingzi peshon vetëm 25 kilogramë, ndjekësit i luten që të kërkojë ndihmë mjekësore](https://telegrafi.com/wp-content/uploads/2024/07/bbbb.jpeg)
Influencuesja kineze Baby Tingzi peshon vetëm 25 kilogramë, ndjekësit i luten që të kërkojë ndihmë mjekësore
![Bebe Rexha “mbretëron” në Prishtinë me performancën e saj të zjarrtë në festivalin “Sunny Hill 2024”](https://telegrafi.com/wp-content/uploads/2024/07/bibi8-380x233.jpg)
Bebe Rexha “mbretëron” në Prishtinë me performancën e saj të zjarrtë në festivalin “Sunny Hill 2024”
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
![Ofertë e veçantë – vila në Brezovicë ofrohet me zbritje ID-246](https://telegrafi.com/wp-content/uploads/2023/11/Foto-Kryesore-4-380x233.jpg)
Ofertë e veçantë – vila në Brezovicë ofrohet me zbritje ID-246
![Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251](https://telegrafi.com/wp-content/uploads/2024/02/Foto-Kryesore-380x233.jpg)
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
![Zana Spahiu dorëhiqet nga ushtruesja detyrës së drejtoreshës në RTK](https://telegrafi.com/wp-content/uploads/2024/07/Zana-Spahiu-380x233.jpg)
Zana Spahiu dorëhiqet nga ushtruesja detyrës së drejtoreshës në RTK
![Liverpooli po i transferon dy yjet e rivalit nga Liga Premier për 100 milionë euro](https://telegrafi.com/wp-content/uploads/2024/07/arne-slot-380x233.png)
Liverpooli po i transferon dy yjet e rivalit nga Liga Premier për 100 milionë euro
![Ripërserit Daçiq: Është i pamundur ekstradimi i Radoiçiqit, Serbia nuk e njeh Kosovën](https://telegrafi.com/wp-content/uploads/2024/07/dacic-radoicic-768x517-1-380x233.jpg)
Ripërserit Daçiq: Është i pamundur ekstradimi i Radoiçiqit, Serbia nuk e njeh Kosovën
![I kërkuar nga Real Madridi: Trent Alexander-Arnold ka vendosur për të ardhmen e tij](https://telegrafi.com/wp-content/uploads/2024/07/trent-alexander-arnold-380x233.png)
I kërkuar nga Real Madridi: Trent Alexander-Arnold ka vendosur për të ardhmen e tij
![Trump: Nëse iranianët më vrasin, Amerika dua që ta zhduk Iranin](https://telegrafi.com/wp-content/uploads/2024/07/Screenshot_2-99-380x233.jpg)
Trump: Nëse iranianët më vrasin, Amerika dua që ta zhduk Iranin
![Kur do të kthehet trupi i Faton Hajrizit, flet Ivica Daçiq](https://telegrafi.com/wp-content/uploads/2024/07/image-2024-07-25T175333.484-380x233.jpg)
Kur do të kthehet trupi i Faton Hajrizit, flet Ivica Daçiq