Nga Buffon te Rooney, Torres e Henry – top 10 rikthimet më të bujshme në ‘fole’

Sikurse në filma edhe futbolli e ka pjesën e tij, kur shpesh mbyllet me përfundim  të lumtur, kur i preferuari i tifozëve kthehet në klub, në të cilin e ka shkruar më parë historinë, me shpresën e përsëritjes së lavdive të dikurshme.

Disa shembuj na vijnë në mendje, kur u rikthye Gianluigi Buffon në Juventus në moshën 41-vjeçare, pas vetëm një viti larg nga Torino.

Portieri legjendar italian është një nga dhjete legjendat që i gjeni më posht që është rikthyer në shtëpi pas një aventure dikur tjetër.

Gianluigi Buffon (Juventus)

“Unë dua të falenderoj [Ëojciech] Szczesny dhe [Giorgio] Chiellini , të cilët më ofruan fanellën me nr. 1 dhe tjetrën shiritin e kapitenit, por unë nuk jam këtu për të marrë asgjë nga askush, unë jam këtu që të kontribuoj, siç kam bërë gjithmonë në karrierën time”, tha Buffon në kthimin e tij në Juventus .

Pas një sezoni në Paris Saint-Germain, Buffon kthehet në Juventus ku ai fitoi gjithçka, përveç Ligës së Kampionëve , në 17 sezonet të kaluara.

Thierry Henry (Arsenal)

Arsenali i Arsen Ëenger nuk do të ishte shumë i veçantë pa Thierry Henryn.

Për tetë sezone, francezi ishte udhëheqësi i Gunners , duke shkaktuar kërdi në Highbury dhe duke u bërë golashënuesi më i mirë i klubit në histori me 228 gola.

Nga Arsenali , Henry u transferua në Barcelonë , pastaj në Red Bulls të Neë York para se të kthehej te Gunners në vitin 2012.

Didier Drogba (Chelsea)

Didier Drogba nga Bregu i Fildishtë kishte shënuar 164 gola për Blutë dhe i udhëhoqi ata në Ligën e Kampionëve të fituar në vitin 2012.

Pasi luajti në Shanghai Shenhua dhe Galatasaray, ai u kthye në sezonin 2014/15 nën drejtimin e Mourinho ku përsëri ai e fitoi Ligën Premier.

Fernando Torres (Atletico Madrid)

Në vitin 2001, me Atletico Madrid në Segunda Division, një i ri i quajtur Fernando Torres debutoi në ekipin e parë, përpara se të bëhej një yll saqë e udhëhoqi klubin edhe në LaLiga.

Ai shkoi te Liverpool dhe më pas në Chelsea.

Pas një huazimi te Milan, Torres u kthye në Atletico, ku ai kaloi 100 gola me klubin, duke luajtur edhe në finalen e Ligës së Kampioneve 2016 dhe fitoi Ligën  Evropës në vitin 2018 para se të shkonte në Kinë.

Kaka (AC Milan)

Para se Luka Modric ta fitonte Topin e Artë në vitin 2018, Kaka në vitin 2007 ishte lojtari i fundit që kishte fituar çmimin para se të fillonte epoka Cristiano Ronaldo dhe Lionel Messi.

Kaka fitoi të gjitha me AC Milan përpara se të transferohej në Real Madrid .

Pas një aventure të pasuksesshme, ai u kthye në qytetin italian në vitin 2013 për të luajtur në San Siro edhe për një vit tjetër.

Wayne Rooney (Everton)

Pas transferimit në Manchester United nga Everton si një adoleshent në 2004, marrëdhënia e Wayne Rooney me tifozët e klubit që luajti dhe ishte tifoz edhe vet u ftohë.

Sidoqoftë, të gjitha mosmarrëveshjet erdhën në përfundim, kur Rooney u kthye në shtëpi në 2017 për një sezon.

Andriy Shevchenko (AC Milan dhe Dynamo Kiev)

Andriy Shevcenko ishte një nga golashënuesit më klinikë në Evropë në fillim të shekullit të 21-të.

Në AC Milan , ai shënoi 175 gola dhe fitoi pesë tituj dhe Topin e Artë në 2004, si dhe arriti në podium në vitet 1999 dhe 2000.

Futbollisti i Ukrainës shkoi në Chelsea në vitin 2006, por nuk arriti të përshtatet me lojën angleze dhe u kthye në Milan në edicionin 2008/09.

Gjërat nuk funksionuan aq mirë sa që ai u rikthye në një shtëpi tjetër, këtë herë në atdheun e tij te Dynamo Kiev, të cilin e kishte lënë në vitin 1994.

Juan Roman Riquelme (Boca Juniors)

Juan Roman Riquelme ishte argjentinasi i fundit i madh nr. 10 në Boca Juniors, mes viteve 1996 dhe 2002 para se të transferohej në Barcelonë.

Ai gjeti sukses në Spanjë me Villarrealin para se të kthehej në vitin 2007 në Bombonera, ku vazhdoi deri në pensionimin e tij në 2014.

Joaquin (Real Betis)

Joaquin ishte si një nga talentet më të ndritshme të Spanjës në vitin 2005, ndërsa ai luajti një rol kryesor në triumfin e Real Betis në Copa del Rey.

Ai i siguroi atij një transferim të madh në Valencia përpara se të kalonte dhe te Malaga dhe Fiorentina.

Ai përfundimisht, e gjeti rrugën e tij për në shtëpi në moshën 37 vjeçare, ku mbetet aty edhe sot.

Paul Pogba (Manchester United)

Paul Pogba ishte në radhët e Manchester United, por vendosi të largohej për të bërë një emër për veten, me Juventusin që e kishte marrë francezin e talentuar.

Ai nënshkroi për Juventusin në vitin 2012, duke u bërë pjesë e rëndësishme e skuadrës, e cila fitoi katër tituj në Serie A rresht dhe arriti në finalen e Ligës së Kampionëve 2015 .

Në 2016, United e ktheu për 100 milionë euro. Megjithatë, duket se ai do të largohet përsëri nga Old Trafford.

Bonus i dyfishtë: Diego Maradona (Boca) dhe Johan Cruyff (Ajax)

Johan Cruyff , ylli i ekipit më të mirë të Ajaxit në histori, i cili fitoi tre Kupa të Evropës rresht, nga viti 1971 deri më 1973, shkoi te Barcelona, transferim që do ta ndryshonte klubin në thelbin e tij.

Pas largimit nga Camp Nou ishte te Levante dhe në Shtetet e Bashkuara, pas se të kthehej te Ajax në vitin 1981 për dy sezone.

Një kthim tjetër i shquar ishte ai i Diego Armando Maradona në Boca Juniors .

Familja e famshme nr.10, ylli i Argjentinës që fitoi Kupën e Botës 1986 dhe ikona e Napolit që dy herë fitoi Serie A , ka një status të ngjashëm me Perëndinë në La Bombonera .

Në vitin 1981, ai shkëlqeu aq mirë në Boca që Barcelona nënshkroi me të.

Megjithatë, në vitin 1995, pasi fitoi të gjitha, ai u kthye në Buenos Aires për të dalë në pension me klubin e zemrës së tij. /Telegrafi/