Neymar me reagim prej lideri pas humbjes nga Man City: E humbëm betejën, por lufta vazhdon – Forca PSG

Sulmuesi i Paris Saint-Germain, Neymar ka reaguar me anë të rrjeteve sociale pas humbjes nga Manchester City në gjysmëfinalen e parë të Ligës së Kampionëve.

PSG u mposht 2-1 në shtëpi nga City në ndeshjen e parë gjysmëfinale, duke bërë një hap fals drejt kualifikimit në finalen e madhe.

Megjithatë, Neymar, i cili synon ta udhëheq PSG-në drejt triumfit në Ligën e Kampionëve, nuk është dorëzuar ende.

Lexo po ashtu Pochettino pas humbjes nga City: Jemi shumë të zhgënjyer, por në futboll duhet të besosh

Ylli brazilian ka shfrytëzuar rrjetet sociale për të reaguar pas humbjes, ndërsa synon t’i jap besim ekipit të tij.

Ai është i bindur që skuadra e tij mund të kthehet në Etihad javën e ardhshme, pasi sipas tij “beteja është humbur dhe jo lufta”.

Lexo po ashtu Neymar tregoi klasin me një driblim fantastik ndaj De Bruyne, por përfundoi në tokë pas ndërhyrjes

“Ne e humbëm betejën, por lufta vazhdon. Unë besoj në ekipin tim, besoj se mund të jemi më të mirë se sa ishim. Forca Paris. 1% mundësi, 99% besim”, ka shkruar Neymar në profilin e tij në Instagram.

Ndryshe, ndeshja kthyese në Etihad zhvillohet pas një jave apo më saktë me 4 maj. /Telegrafi/

View this post on Instagram

A post shared by ene10ta Érre 🇧🇷 👻 neymarjr (@neymarjr)