“Ne nuk filluam nga zero … filluam nga minus pesë”. Kështu fillon tregimi i Neymar Sr, i cili tregon kontrastin e thellë të jetës së djalit të tij, që dikur ishte shumë i varfër ndërsa sot është lojtari më i shtrenjtë në botë.
Sulmuesi brazilian është transferuar për 222 milionë euro gjatë verës së kaluar nga Barcelona tek Paris Saitn-Germain, duke e bërë klubin francez të jetë sërish në qendër të vëmendjes së mediave botërore.
Rihanna, Tyga, Naomi Campbell, Kardashianët dhe Beckhamët janë vetëm disa prej yjeve botërore që kanë qëndruar në shkallët e stadiumit të skuadrës franceze pas transferimit të Neymarit.
Justin Bieber, Drake dhe Lewis Hamilton janë vetëm tre prej shumë yjeve botërore që janë miq të futbollistit.
Por, artikujt e mediave rreth ndejave të shfrenuara dhe jetës sikur të një ylli hollivudian, kanë bërë që shikuesit të pyesin nëse Neymar po i largon sytë nga topi.
Por, shumë shpesh, talenti shkon i paplotësuar pasi gjithnjë e më shumë zero shfaqen në fund të bilancit bankar.
Duke u rritur në Mogi das Cruzes, në periferi të Sao Paulos, jeta e kaluar e kapitenit të Brazilit ishte “mizorie” në fillim.
Kohët ishin aq të vështira për prindërit e futbollistit, nënës Nadine dhe babait, Neymar Sr. sa ata nuk mundën të përballonin shpenzimet as edhe të një skanimi me ultratinguj para lindjes së futbollistit.
Dhe, në moshën katër muajshe, Neymar i mitur mbijetoi mrekullisht duke u hedhur nga një automobil gjatë një përplasje të tmerrshme që e la babanë me një brinjë të thyer.
Si një foshnjë, Neymar kishte jetuar në një shtëpi të vogël me qira dhe pa energji elektrike.
Prindërit e Neymar festuan ditëlindjen e parë, ku nëna e përshkruante zonën si “një lagje shumë e ulët sociale”, duke shtuar “Ne jetuam aty kur ishte një fushë për hedhjen e mbeturinave të qytetit”.
E gjithë familja – tani me shtimin e foshnjës Rafaella – nuk kishte mundësi përveçse të shkonte në shtëpinë e vogël të gjyshërve të Neymarit, ku gjithçka që kishin ishte një dyshek.
Dhe, ndërsa Neymar i ri zhvilloi aftësitë me top në rrugë, babai i tij punoi tre punë – si një punëtor krahu, një mekanik dhe shitës – vetëm për të pasur një çati mbi kokat e të gjithëve.
“Kjo nuk ishte shumë kohë më parë, rreth vitit 2000. Ne jetuam atje derisa Neymar u bë një profesionist”, tha Netmar Sr., duke folur rreth jetës së djalit të tij.
“Ne gjithmonë e kemi ndihmuar të ndjekë ëndrrat, që nga mosha shumë e hershme. Si fëmijë, ai donte të ishte gjithçka – Superman, Power Rangers. Ai ishte hiperaktiv dhe ende është”, shtoi Neymar Sr.
Dhe përkushtimi i babait të tij është diçka që Neymar nuk e ka harruar, pavarësisht rritjes së popullaritetit botëror.
Marrëdhënia e tyre ka qenë e rëndësishme për çdo hap në karrierë. Nuk është rastësi që Neymar mban emrin e babës në fanellë.
Dhe kjo nuk ishte kurrë më e dukshme se sa në një mesazh në Instagram para nënshkrimit me PSG-në, kur Neymar shkroi “Ju përfaqësoj të gjithë miqtë e mi. Ti je një nga gjërat më të mira që kam në jetë. Të dua babi!”
Afërsia e patundur e Neymarit me familjen nuk ndalet atje. Ai ka të vizatuar në trup fytyrat e së motrës së tij, Raffaelas, nënës Nadine dhe djalit, Davi Lucca.
Neymar debutoi si futbollist profesionist te Santosi në moshën 17-vjeçare, pasi nuk e transferoi në moshën 14-vjeçare Real Madridi.
Pas zhgënjimit me Los Blancos, babai nënshkroi një marrëveshje me palën braziliane para se të negociojnë çdo transferim të ardhshëm.
Dhe, kur përfundimisht bëri kalimin në Evropë te Barcelona në vitin 2013, jeta e gjithë familjes ndryshoi përgjithmonë.
Duke vepruar si agjenti i djalit të tij, Neymar Sr fitoi 35 milionë funte duke ndërmjetësuar transferimin – një paradhënie prej 9 milionë funteve para se të merr edhe 26 milionë funte pas finalizimit të marrëveshjes.
Theksojmë se Santos mori vetëm 15 milionë funte për ta zhvilluar dhe edukuar si futbollist. /Telegrafi/
Lufta Prigozhin - Putin
Më shumëCapello zgjedh katër gjeni të futbollit, nuk e përfshin Ronaldon
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
Fiton 300 mijë euro në javë dhe është titullar, ylli i Cityt merr vendimin përfundimtar për t'u larguar në verë
Ndër kryesorët te Real Madridi, por Andriy Lunin vetëm dy futbollistë fitojnë më pak se ukrainasi te Los Blancos
Bayerni shokon të gjithë me trajnerin i cili do ta drejtojë ekipin sezonin e ardhshëm
Po ndiqet nga tre top klube evropiane, ylli i Realit po refuzon kontratën e re dhe dëshiron largimin nga Los Blancos
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj