Gati një çerek shekulli nga debutimi, Francesco Totti luajti ndeshjen e fundit për Romën në vikendin e fundit ndaj Genoas.
Ai mori një lamtumirë të magjishme ashtu siç e meriton, e gjitha kjo pas më shumë se 700 paraqitjeve për klubin romak, transmeton Telegrafi.
Totti u largua si legjendë, por nuk është i vetmi lojtar që arriti një numër të tillë të ndeshjeve më një klub, më poshtë keni top nëntëshen:
9. Alessandro Del Piero (Juventus)
Titujt e rëndësishëm: Serie A (6), Kupën e Italisë (1), Liga e Kampionëve (1) dhe Intercontinental Cup (1).
Asnjë lojtarë në histori të Juventusit nuk ka luajtur më shumë se Del Piero dhe me 290 gola e tij ai po ashtu ka vendosur rekord te Zonja e Vjetër. Në të vërtetë ai karrierën e ka filluar te Padova, ndërsa te Juve është transferuar në 1993, ku më pas qëndroi 19 vite.
8. John Terry (Chelsea)
Titujt e rëndësishëm: Ligën Premier (5), FA Cup (5), League Cup (3), Liga e Kampionëve (1) dhe Ligën e Evropës (1).
Terry i tha lamtumirën këtë sezon Bluve, duke qenë lojtari i vetëm që ka fituar pesë herë kampionatin që kur Liga Premier ka ndërruar format në vitin 1992.
7. Jamie Carragher (Liverpool)
Titujt e rëndësishëm: FA Cup (2), League Cup (3), Liga e Kampionëve (1) dhe UEFA Cup (1).
Carra i tha lamtumirën Reds në vitin 2013 pas 17 vitesh, nga 1998 deri 2010 ai luajti pothuajse çdo ndeshje për Liverpoolin.
6. Raul (Real Madrid)
Titujt e rëndësishëm: La Liga (6), Liga e Kampionëve (3) dhe Intercontinental Cup (2).
Spanjolli debutoi për Los Blancos si 17-vjeçar në 1994 dhe për 16 sezone luajti rregullisht.
5. Xavi (Barcelona)
Titujt e rëndësishëm: La Liga (8), Kupën e Mbretit (3), Ligën e Kampionëve (4) dhe FIFA Club World Cup (2)
Debutoi nën urdhrat e Louis van Gaal në 1998, spanjolli ishte pjese e çdo skuadre fantastike që katalunasit kanë prodhuar në vitet e fundit. Ai qëndroi 17 vite në Camp Nou.
4. Francesco Totti (Roma)
Trofetë e rëndësishëm: Serie A (1) dhe Kupën e Italisë (2)
Në moshën 40-vjeçare, pas 24 sezonesh u largua nga Roma, por këtë herë si legjendë e paharrueshme. Në sezonin 2006/07 fitoi Këpucën e Artë.
3. Javier Zanetti (Inter)
Titujt e rëndësishëm: Serie A (5), Kupa e Italisë (4), Liga e Kampionëve (1), UEFA Cup (1) dhe FIFA Club World Cup (1).
Para se Zanetti t’i bashkohej Interit ai luajti për tre sezone në Argjentinë. Përkundër moshës ai luajti në nivel të lartë mbi 50 ndeshje sezonale në vitet e fundit.
2. Paolo Maldini (AC Milan)
Trofetë e rëndësishëm: Serie A (7), Kupa e Italisë (1), European Cup/Champions League (5), Intercontinental Cup (2) dhe FIFA Club World Cup (1).
Ai dominoi pothuajse në çdo sezon që luajti, duke u bërë shembull për lojtarët e rinj. Edhe pse Milani ka shumë legjenda në histori Maldini është në krye.
1. Ryan Giggs (Manchester United)
Titujt e rëndësishëm: Ligën Premier (13), FA Cup (4), League Cup (4), Ligën e Kampionëve (2), Intercontinental Cup (1) dhe FIFA Club World Cup (1).
Giggs kaloi Sir Bobby Charlton me paraqitje në vitin 2008, në po të njëjtën ditë shënoi gol në titullin e 10 në Ligën Premier. Arriti të bëjë edhe më shumë se 200 paraqitje deri sa u pensionua në vitin 2014. /Telegrafi/
