Nënkryetari i Goztepes mohon lajmin që Abramovich ka blerë klubin turk

Nënkryetari i klubit të Göztepe, Talat Papatya mohoi lajmin se klubi i është shitur miliarderit rus Roman Abramovich.

Pasi Rusia i shpalli luftë Ukrainës, bota e futbollit filloi të vendosë sanksione kundër rusëve. Me zbatimin e vënë në fuqi nga UEFA dhe FIFA, i dënuan klubet ruse duke ua ndaluar të luajnë në garat evropiane.

Sanksione të ndryshme janë vendosur edhe ndaj Roman Abramovich, pronarit të Chelseat.

Prej disa kohësh flitet se Roman Abramovich, i cili duhet të shes gjigantin e Ligën Premier, Chelsean për shkak të sanksioneve të qeverisë britanike, ishte i interesuar për Goztepen, një nga skuadrat e Superligës.

Madje sot u pretendua nga disa media turke se miliarderi rus e ka blerë klubin e Goztepes dhe se palët do të mblidheshin dhe do të nënshkruanin të premten marrëveshjen.

Lexo po ashtu Mediat turke shkruajnë se Roman Abramovich do të blejë klubin e Goztepe?

Mirëpo, Talat Papatya , nënkryetari i Göztepes, bëri një deklaratë për këtë temë, duke mohuar pretendimet.

“Abramovich nuk i është drejtuar askujt për të marrë përsipër klubin dhe nuk jemi takuar. Nuk ka një gjë të tillë”.

“Ne lexojmë në media se Abramovich bleu klubin. Nuk ka lidhje me këtë. Ne do të bëjmë shpjegimin e nevojshëm kur bisedimet për këto çështje të arrijnë një pjekuri të caktuar”, ka thënë ai.

Mehmet Sepil: Roman Abramovich ismiyle ilgili hiçbir şey yok!
Talat Papatya: Roman Abramovich kulübü devir almak için kimseyle görüşmedi!
💥Göztepe için artık şu konu kapansın!💥
pic.twitter.com/NlupbOwcF4

— Üçleme 🇹🇷 🇹🇷 🇹🇷 (@3lemeprogrami) April 5, 2022

Abramovich ka qenë pjesë e Chelseat për 19 vite, ku ka fituar të gjithë trofetë e mundshëm, prej tyre edhe dy Liga të Kampionëve, duke e kthyer klubin në mesin e më të mirëve në botë. /Telegrafi/