LAJMI I FUNDIT:

“Në rast se keni pasur ndonjë dyshim për regjimin e Putinit”: Deputeti i Dumës ruse i kërkuar nga policia britanike vjen me një kërcënim brutal për Zelenskyn

“Në rast se keni pasur ndonjë dyshim për regjimin e Putinit”: Deputeti i Dumës ruse i kërkuar nga policia britanike vjen me një kërcënim brutal për Zelenskyn

Një ligjvënës rus i kërkuar nga policia britanike për vrasjen e një ish-spiuni në Londër ka thënë se Moska “mund të ndjekë” presidentin ukrainas Volodymyr Zelensky dhe rrethin e tij të ngushtë për pjesën tjetër të jetës së tyre.

Sipas mediave të huaja, përcjell Telegrafi, deputeti rus Andrei Lugovoi tha se diskutimi në të cilin ai po merrte duhet të titullohet “Drejtësinë duhet ta kërkojmë vetë”, ndërsa shtoi se Zelensky “dhe rrethi i tij duhet të jetë i pari që do të varet në litar”.

“Sot i kujtova Zelenskyt se historia duhet të mbahet mend”, i tha Lugovoi spikeres së emisionit “Russia 1”, Olga Skabeyeva, teksa “rekomandoi” që presidenti ukrainas dhe aleatët e tij të lexonin kujtimet e Pavel Sudoplatov.

“E ardhmja e tyre përshkruhet atje me saktësi. Unë besoj se ne nuk duhet të kemi turp për këtë. Në të ardhmen, ne duhet t’i ndjekim ata në të gjithë botën”, tha Lugovoi.

Sudoplatov ishte një spiun në Rusinë Sovjetike, i cili ishte i përfshirë në disa operacione të mëdha të inteligjencës, duke përfshirë vrasjen e vitit 1940 të revolucionarit marksist Leon Trotsky në Meksikë.

Sudoplatov drejtoi administratën e BRSS për detyra speciale, e cila kryente aktivitete spiunazhi në Evropë dhe SHBA. Libri i tij i vitit 1994 Detyrat Speciale, përshkruan veprat e tij.

Ndërkohë Lugovoi shtoi se ai ishte “i sigurt se i ishin dhënë garanci” Zelenskyt dhe rrethit të tij nga inteligjenca amerikane dhe britanike.

“Jam i sigurt se në Kaliforni ose diku tjetër, ka shtëpi të fshehura, të kamufluara”, tha ai, por “për secilin prej tyre ku ata planifikojnë të kalojnë pjesën tjetër të jetës së tyre… Unë nuk mendoj se jetët do të jenë shumë të suksesshme ose me fat”.

Videoja u postua në Twitter nga vëzhguesja ruse Julia Davis, e cila shkroi, “në rast se keni pasur ndonjë dyshim për regjimin e Putinit”.

Lugovoi kërkohet nga policia britanike me dyshimin për vrasjen e Alexander Litvinenko, një ish-oficer i shërbimeve të inteligjencës ruse të KGB-së dhe, më vonë, në Shërbimin Federal të Sigurisë (FSB).

Litvinenko vdiq në vitin 2006 pasi u helmua me polonium-210.

Një hetim britanik arriti në përfundimin në vitin 2016 se vrasja ishte “aprovuar” nga kreu i atëhershëm i FSB, Nikolai Patrushev dhe presidenti Vladimir Putin.

Në shtator të vitit 2021, Gjykata Evropiane e të Drejtave të Njeriut vendosi se Rusia ishte përgjegjëse për vrasjen e Litvinenkos.

Ajo zbuloi se Lugovoi dhe kolegu i tij Dmitry Kovtun, i cili vdiq në prill, qëndronin pas vrasjes, por Rusia ka refuzuar çdo kërkesë për ekstradim. /Telegrafi/

Në trend Botë

Më shumë
Zbulohet se sa do të jetë

Zbulohet se sa do të jetë "kostoja ditore" nga shembja e urës në Baltimore

Amerika
Kievi pretendon se ushtrisë së Putinit i janë shkaktuar humbje të mëdha, japin detaje për makinerinë dhe personelin ushtarak

Kievi pretendon se ushtrisë së Putinit i janë shkaktuar humbje të mëdha, japin detaje për makinerinë dhe personelin ushtarak

Evropa
Edhe Lukashenko i Bjellorusisë vjen me një pretendim rreth sulmit në Moskë

Edhe Lukashenko i Bjellorusisë vjen me një pretendim rreth sulmit në Moskë

Botë
ISIS vjen me një kërcënim të ri për Putinin

ISIS vjen me një kërcënim të ri për Putinin

Botë
“Pallatet lundruese”: Pesë nga superjahtet më të shtrenjta në botë

“Pallatet lundruese”: Pesë nga superjahtet më të shtrenjta në botë

Botë
Një baba i tre fëmijëve nga El Salvadori në mesin e gjashtë të zhdukurve si pasojë e shembjes së urës së famshme në Baltimore

Një baba i tre fëmijëve nga El Salvadori në mesin e gjashtë të zhdukurve si pasojë e shembjes së urës së famshme në Baltimore

Amerika
Kalo në kategori