LAJMI I FUNDIT:

Ndeshjet ku do të mungojnë Xhaka dhe Shaqiri nëse dënohen nga FIFA

Ndeshjet ku do të mungojnë Xhaka dhe Shaqiri nëse dënohen nga FIFA
Festa e Granit Xhakës dhe Xherdan Shaqirit (Foto: Getty Images)

Granit Xhaka dhe Xherdan Shaqiri rrezikojnë nga dy ndeshje moslojë për festën e tyre në fitoren e Zvicrës (2-1) kundër Serbisë në kuadër të fazës grupore të Kampionatit Botëror.

FIFA ka nisur një hetim për shkelje eventuale të rregullores dhe shfaqje të mesazheve politike dhe ofenduese nga dy mesfushorët shqiptarë, të cilët i festuan golat e tyre duke formuar shqiponjën.

Simboli i shqiponjës me duar është konsideruar si provokim nga serbët, të cilët kanë bërë reagim te shtëpia më e madhe e futbollit në botë me kërkesë që dy futbollistët nga Kosova të dënohen.

Neni 54 i Kodit disiplinor të FIFA-s, mes tjerash, thotë: “Kushdo që e provokon publikun e përgjithshëm gjatë një loje futbolli do të pezullohet për dy ndeshje dhe do të dënohet me së paku 5.000 franga zvicerane”.

Nëse shpallen fajtorë dhe marrin dënimin maksimal, Xhaka dhe Shaqiri nuk do të luajnë në ndeshjen e fundit të Zvicrës në Grupin E kundër Kosta Rikës.

Helvetikët duhet të nxjerrin së paku një barazim në atë ndeshje për të pasur gjithçka nën kontroll në lidhje me kualifikimin.

Po ashtu, dy mesfushorët shqiptarë do të mungonin edhe në ndeshjen e 1/8 së finales, ku Zvicra do të luajë ndaj Gjermanisë, Meksikës apo ndaj Suedisë, varësisht nga renditja përfundimtare e këtyre skuadrave në grup.

FIFA ka nisur hetim edhe kundër Serbisë, pasi një grup tifozësh kanë mbajtur fanella me portretin e kriminelit të luftës, Ratko Mladic.

Po ashtu, duke u hetuar është edhe trajneri Mladen Krstajic për deklaratat e tij pas ndeshjes.

Komiteti disiplinor i FIFA-s e ka gjobitur me 10.000 franga zvicerane Federatën Polake të Futbollit për shkak se fansat kishin mbajtur një baner politik dhe ofendues gjatë ndeshjes kundër Senegalit.

Procedura disiplinore janë nisur edhe kundër federatave të Argjentinës dhe Kroacisë për shkak të sjelljeve të tifozëve. /Telegrafi/

Në trend Sport

Më shumë

"Unë thjeshtë dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Gol fenomenal nga Xherdan Shaqiri prej gjuajtjes së lirë

Gol fenomenal nga Xherdan Shaqiri prej gjuajtjes së lirë

Përfaqësueset
Zbulohen dhe renditen 10 sulmuesit më të mirë të të gjitha kohërave, shumë befasi në listë

Zbulohen dhe renditen 10 sulmuesit më të mirë të të gjitha kohërave, shumë befasi në listë

Ndërkombëtare
Kompletohen grupet e Euro 2024 pas kualifikimit të tri kombëtareve të fundit

Kompletohen grupet e Euro 2024 pas kualifikimit të tri kombëtareve të fundit

Përfaqësueset
Philipp Lahm parashikon se kush do ta fitojë Euro 2024 - kërkon një befasi të madhe

Philipp Lahm parashikon se kush do ta fitojë Euro 2024 - kërkon një befasi të madhe

Përfaqësueset
Kalo në kategori