Pas pezullimit të përkohshëm të vendimit të Komunës së Vushtrrisë që dita e diel të jetë ditë pushimi për bizneset për shkak të ardhjes së mërgimtareve, ky vendim është rikthyer sërish nga shtatori.
Për këtë, nga komuna thonë se Rregullorja po zbatohet nga bizneset, ndërsa, shitësit e pronaret e bizneseve shprehen me mendime të ndara. Disa prej tyre e arsyetojnë, e disa të tjerë kërkojnë të ndryshohet.
Shitësi i produkteve vendore, Agim Kutllovci, nuk e ka mirëpritur këtë vendim të komunës. Sipas tij, ky vendim është i mirë vetëm për ata që kanë të ardhura të mjaftueshme dhe jo për të tjerët.
“Vendimi i mirë është të mos punojmë të dielave për ata që kanë para, e për ne që jemi bujq se shikojmë çfarë dite është. Ne punojmë, sepse nuk kemi të ardhura askund..04:15 Por, duhet të respektojmë vendimin kur është për të gjithë…por me dëshirë jo”, thotë Kutllovci.
Edhe shitësi, Sami Halili ka kundërshtuar vendimin e komunës së Vushtrrisë që dita e diel të jetë pushim për bizneset.
“Ne duhet të punojmë, sepse jemi bujq, prodhues vendor. Na nëse nuk punojmë të dielën, na shkon malli poshtë, duhet të punojmë”, thotë Halili.
Edhe pronari i një dyqani, Jeton Pantina, nuk pajtohet me vendimin e kësaj komune.
“Ne kemi qejf të punojmë, por duhet t’i përmbahemi kryetarit të komunës. Unë kisha pas qejft ë punojë, ai që ka qejf të pushojë, le të pushojë, mirëpo ne që duam, duhet të punojmë”, thotë Pantina.
Ndërkaq, berberi në këtë komunë, Fatos Maxhuni, arsyeton këtë vendim. Sipas tij, është e nevojshme që një ditë e javës të jetë pushim.
“Çdo vendim nga komuna e përkrahim, është i mirëseardhur për të gjithë ne…Nuk e dëmton biznesin asgjë, kanë nevojë edhe punëtorët për pushim”, thotë Maxhuni.
Megjithatë, Zyrtarja për informim në Komunën e Vushtrrisë, Mirjeta Duraku duke treguar se për cilat biznese vlen kjo Rregullore, thekson se deri më tani nuk ka pasur ndonjë ankesë nga bizneset për vendimin në fjalë.
Duraku për KosovaPress thotë se paraprakisht kjo Rregullore ka qenë në konsultim publik dhe është marrë edhe mendimi i bizneseve.
“Me kërkesë të kryetarit të Komunës së Vushtrrisë është hartuar Rregullorja për fillimin dhe mbarimin e orarit të punës të veprimtarive afariste-bizneseve në Komunën e Vushtrrisë, e cila më pas është miratuar në Kuvendin e Komunës. Kjo rregullore e përcakton ditën e diel si ditë pushimi për bizneset, përveç gastronomisë dhe furrave të cilat punojnë me një orar të caktuar…Ky vendim, që buron nga rregullorja për fillimin dhe mbarimin e orarit të punës të veprimtarive afariste-bizneseve në Komunën e Vushtrrisë, që nga hyrja në fuqi e deri më tani është respektuar nga bizneset e komunës dhe nuk ka pasur ankesa nga të njëjtit, pasi që paraprakisht kjo rregullore ka qenë në konsultim publik dhe është marrë edhe mendimi i bizneseve. Po ashtu, ky vendim që dita e diel të jetë ditë pushimi është mirëpritur edhe nga ana e qytetarëve të Komunës së Vushtrrisë”, thotë Duraku.
Kujtojmë se, me datë 16 qershor është marrë vendimi që bizneseve iu lejohet puna edhe ditën e diel për shkak të ardhjes së mërgimtarëve, vendimi është marrë në bazë të nenit 22 të rregullores, që ja lejon kryetarit të komunës që të pezullojë përkohësisht zbatimin e dispozitave të caktuara të kësaj rregulloreje dhe të përcaktojë me vendim orarin e përkohshëm Brenda vitit kalendarik për veprimtari të caktuara biznesore. Kështu nga 1 shtatori sërish dita e diel ka qenë ditë pushimi për bizneset./kp/
Promo
Reklamo këtuLufta Prigozhin - Putin
Më shumëNga qershori Aeroportit të Prishtinës i shtohet edhe një linjë e re fluturimi
Një epokë e re e transformimit digjital: IPKO prezanton pakot PRIMA dhe aplikacionin IPKO TV
Fito udhëtim në çift me IP Petrol!
Relaksim në përjetësi, me “Holiday In 2” t’gjitha i ki
Respekti dhe vlerësimi i punëtorëve refletojnë në suksesin e Emona Center
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit