Na’Vi dhe forZe kualifikohen për në PGL Antwerp Major CS:GO

Ekipi ukrainas Na’Vi dhe ekipi rus forZe kanë siguruar pjesëmarrjen në PGL Antwerp Major, pasi i fituan ndeshjet vendimtare, Na’Vi mposhti Vitality me rezultat 2-0, ndërsa forZe mposhti ekipin SAW me rezultat 2-1.

Na’Vi dhe forZe i janë bashkuar listës së ekipeve të kualifikuara për në PGL Antwerp Major, nga PGL EUROPE RMR A.

Në ndeshjen e Na’Vi kundër ekipit Vitality pa dyshim se lojtari më i vlefshëm ishte ‘s1mple’, i cili pati një vlerësim nga HLTV 1.42.

Ndërsa në ndeshjen forZe kundër SAW, lojtari më i vlefshëm ishte ‘shalfey’ me vlerësimin nga HLTV 1.42.

Këto janë të gjitha ekipet që kanë siguruar vendin për në Major deri më tani, nga kualifikuesja ‘PGL EUROPE RMR A’:  BIG, Heroic, forZe dhe Na’Vi.

Ndeshje të tjera po vazhdojnë të zhvillohen në kuadër të PGL EUROPE RMR A, ekipi më i mirë në botë, FaZe, po përballet me ekipin MOUZ për një vend në Major.

Formacionet e dy ekipeve të kualifikuara për në PGL Antwerp Major 2022:

---

Na’Vi:

Oleksandr “s1mple” Kostyliev
Denis “electroNic” Sharipov
Kirill “Boombl4” Mikhaylov
Ilya “Perfecto” Zalutskiy
Valerii “b1t” Vakhovskyi

---

forZe:

Alexandr “shalfey” Marenov
Andrey “Jerry” Mekhryakov
Aleksandr “KENSI” Gurkin
Aleksandr “zorte” Zagodyrenko
Evgeny “Norwi” Ermolin

---

/Telegrafi/