Nainggolan i mbetet në derë Interit, refuzon transferimin në Kinë dhe huazimin në Torino

Radja Nainggolan iu bashkua Interit edicionin e kaluar nga Roma si një transferim i madh.

Por me ardhjen e trajnerit Antonio Conte në krye të skuadrës, Nainggolan ka hasur në probleme.

Belgu nuk preferohet nga tekniku italian që në atë pozitë ka transferuar Stefano Sensin nga Sassuolo.

31-vjeçari kishte mundësi të transferohej në Superligën kineze ku u kërkua nga Jiangsu Suning, por që e refuzoi kategorikisht transferimin në Kinë.

Oferta tjetër ishte nga Torino huazim me të drejtë blerje ku i ofruan një pagë prej 4,5 milionë euro në vit, por edhe këtë opsion belgu e ka refuzuar.

Drejtuesit e klubit zikaltër kanë raportuar se momentalisht nuk kanë oferta të tjera për Nainggolanin.

Por sipas medieve italiane, Ninja po pret një ofertë nga ish-skuadra e tij Roma.

Nainggolan ka qenë shumë i lidhur me klubin dhe tifozët kryeqytetas dhe do të largohet nga Interi vetëm nëse do të ishte i mundur rikthimi te Roma.

Nëse Roma nuk do të bëjë ofertë, atëherë Nainggolan nuk do të lëvizorë nga qyteti i modës. /Telegrafi/