A mund të zhbllokohet Google Pixel 6A me gjurmë gishtash të paregjistruar?

Google Pixel 6A vetëm kohët e fundit është bërë i disponueshëm për shitje dhe përdoruesit tashmë po tregojnë për një defekt të madh sigurie që mund të shqetësojë shumë njerëz.

Këtë pranverë, Google prezantoi Pixel 6A, pajisjen më të përballueshme në linjën e telefonave Pixel 6, e cila, megjithatë, vjen me një të metë të madhe sigurie.

Gjegjësisht, rrjetet sociale janë plot me komente nga përdoruesit, të cilët pretendojnë se Pixel 6A mund të zhbllokohet me një gjurmë gishti të paregjistruar.

Ky problem sigurie u vu në dukje edhe nga përdorues të shumtë që testuan telefonin në YouTube, si kanalet Beebom dhe Geekxyranjit, të cilat menjëherë ngritën pluhur në mediat e huaja IT.

Edhe pse Google ndoshta do ta zgjidhë këtë problem me softuer së shpejti, është një e metë sigurie që nuk duhet të ndodhë. Deri në patchin zyrtar, përdoruesve u rekomandohet të përdorin një fjalëkalim në vend të zhbllokimit të gjurmëve të gishtave.

Për kujtesë, Google Pixel 6A, i cili kushton 449 dollarë, vjen me një ekran OLED 6.1 inç 60 Hz, një dizajn të veçantë kamere, një çip Google Tensor dhe një çip sigurie Titan M2. /Telegrafi/