Ish-Presidenti i Interit, Massimo Moratti ka thënë se Jose Mourinho i ka dërguar atij një mesazh para se të njoftoj rikthimin e tij në Serie A me klubin e Romës.

Trajneri portugez ka qëndruar në kontakt me ish-presidentin e Nerazzurrëve pas kohës së tyre të suksesshme së bashku në Giuseppe Meazza.

Dje (e martë), Roma njoftoi Mourinhon si trajnerin e tyre të ri nga sezoni 2021-22 dhe ish-trajneri i Portos, Real Madridit, Chelseat dhe Manchester Unitedit ka nënshkruar një kontratë tre-vjeçare me klubin La Lupa.

Zyrtare: Mourinho emërohet trajner i Romës Zyrtare: Mourinho emërohet trajner i Romës

“Mourinho më dërgoi një mesazh. Konkret si zakonisht. Tri fjalë. Nuk duheshin më shumë. Ai shkroi: ‘Shihemi së shpejti’”, ka thënë fillimisht Moratti për Corriere della Sera.

Moratti tha se ai është i lumtur për ish-trajnerin e tij dhe konfirmoi që ata kanë mbajtur kontakte për 11 vitet e fundit.

“Ka një respekt, shpresoj të jemi të ndërsjellë. Nga ana ime, e padiskutueshme. Dhe do të të besoj se jam shumë i lumtur për të”.

“Unë i thashë dhe do t’ia përsëris në mundësinë e parë. Është një projekt i mirë, një shesh i bukur, tifozë të mirë, një aventurë e shkëlqyer për pronarët e Romës”.

“Mourinho do të bëjë mirë. Ose të paktën, ka kushte që kjo të ndodhë”.

Moratti shtoi se aventura e Mourinhos me Interin ‘është në të kaluarën’, por theksoi se koha me 58-vjeçarin është ‘e paharrueshme’.

Fjalët e para të Jose Mourinhos si trajner i Romës: Pasioni i tifozëve dhe vizioni i klubit më bindën që të bashkohem Fjalët e para të Jose Mourinhos si trajner i Romës: Pasioni i tifozëve dhe vizioni i klubit më bindën që të bashkohem

“Është në të kaluarën. Së bashku me të, ne fituam gjithçka. Kohët e paharrueshme do të mbesin, është e tepërt ta nënvizojmë”.

“Futbolli italian do të ketë përfitime të thella dhe të qëndrueshme nga dikush si Mourinho. Ironia e tij, inteligjenca e tij, provokimet e tij, prania e tij mediatike, aftësitë e tij të mëdha profesionale”.

“Më pëlqen shumë kthimi i Mous. Ai më argëton. Na duhej”, përfundoi presidenti legjendar i Interit. /Telegrafi/