Moment i sikletshëm për këngëtaren Anne-Marie, rrëshqet dhe bie nga shkallët gjatë performancës në Brit Awards

Këngëtarja Anne-Marie ka thyer heshtjen e saj pasi pësoi një rënie dramatike gjatë një performance live Brit Awards 2022 të martën në mbrëmje.

Performanca mori një kthesë të keqe kur këngëtarja, 30 vjeçe, u rrëzua nga shkallët ndërsa po interpretonte këngën “Kiss My (Uh-Oh)” përpara një publiku prej 20,000 personash në “The O2 Arena” të Londrës.

Zëri i saj u lëkund kur ajo u rrëzua mbi duar dhe gjunjë, por, si një profesioniste e vërtetë, vazhdoi me interpretimin e saj, shkruan DailyMail.

Por që atëherë ajo e ka hedhur poshtë incidentin, pasi një llogari parodish në Twitter për kyçin e saj të përdredhur, u krijua nga një fans.

Lexo po ashtu Lista me fituesit në Brit Awards 2022, Adele - mbretëresha e mbrëmjes me tri çmime të rëndësishme

Duke bërë shaka për rrëshqitjen e saj, ajo shkroi në Twitter: “Nuk më duhej gjithsesi kyçi i këmbës së majtë”.

Menjëherë pas incidentit, llogaria në Twitter me emrin @Annemariesankle filloi të tallej me këngëtaren.

Një postim në Twitter thoshte: “Uau. Pak e tronditur por jam mirë. Pak e mavijosur por me pak akull duhet të jetë mirë”.

Këngëtarja e rishpërndau statusin në Twitter, duke shkruar “Po vdes së qeshuri”.

Rënia e saj para audiencës bëri që edhe optikës “Specsavers”, që t’i ofrojnë Anne-Maries një kontroll falas të shikimit.

Lexo po ashtu Ndryshimi drastik i këngëtares Adele që nga viti i parë kur u paraqit në Brit Awards e deri më sot

Ata shkruan: “Vizita juaj e radhës është për ne, duke e shtyrë këngëtaren të përgjigjet me: ‘Do të jemi në kontakt’”.

Megjithë gabimin e turpshëm, fansat e saj të adhuruar u lajmëruan në Twitter për të shprehur mbështetjen e tyre, duke pretenduar se ajo e ka ‘kamufluar mirë’ situatën dhe e ka dëshmuar veten si një ‘profesioniste totale’.

Edhe kërcimtari i saj mbështetës nuk mund ta fshihte tronditjen e tij teksa shikonte i befasuar spektaklin mahnitës.

Këngëtares së hitit “2002” iu bashkua në skenë YouTuber-i i kthyer në reper, KSI, duke dëshmuar se ishin një dyshe e përkryer në bashkëpunim.

Anne-Marie u sigurua që t’iu binte në sy të shikuesve të Brit Awards në tapetin e kuq, duke u shfaqur me një kostum, i cili ishte i hapur te pjesa e dekoltesë.

Interpretuesja e shumë hiteve tregoi barkun e saj të sheshtë mbresëlënës, ndërsa kishte zgjedhur të vishte një palë pantallona të zeza me fije.

Ajo i kombinoi ato me një xhaketë lëkure të zezë, të cilën e kishte veshur mbi një palë reçipeta të zeza, duke marrë kështu vëmendjen me paraqitjen provokuese.

Anne-marie i kishte dizajnuar flokët e saj në stilin bisht, gjersa për aksesorë kishte zgjedhur një palë vathë floriri.

Këngëtarja britanike kishte vendosur shumë pak makijazh, për të nxjerrë sa më shumë të jetë e mundur në pah tiparet e saj të bukura të fytyrës.

Ishte një natë e madhe për muzikën në Brit Awards të martën në mbrëmje – me Adelen e cila mori me vete në shtëpi tri çmime.

Ajo fiti çmimet “Artistja e vitit”, “Kënga më e mirë e vitit” për ‘Easy On Me’ dhe “Albumi i vitit” për ‘20’.

Ceremonia nisi në orën 20:00 në ITV dhe u prezantua nga Mo Gilligan për herë të parë, me Maya Jaman si nikoqire e yjeve në tapetin e kuq.

Në po këtë mbrëmje u shpërblye edhe artistja shqiptare me famë ndërkombëtare, Dua Lipa, me çmimin “Artistja më e mirë e zhanrit Pop/R&B”. /Telegrafi/