Lojtari i Kombëtares së Kroacisë, Luka Modric, bëri një paraqitje të mrekullueshme dhe i solli fitoren skuadrës së tij ndaj Francës, ndërsa pas ndeshjes bisedoi me Kylian Mbappen, futbollist që refuzoi Real Madridin.

Mbappe kishte një marrëveshje me Realin, por në fund vendosi të pranojë ofertën e Paris Saint Germain dhe të qëndrojë në radhët e kampionëve francezë. Kjo i zemëroi të gjithë në Madrid.

Një nga ata që nuk ia falën shkeljen e marrëveshjes me Realin është edhe gazetari i njohur spanjoll, Josep Pedrerol, i cili në një emision u shpreh i zhgënjyer me Luka Modricin.

Përkatësisht, kombëtarja kroate iu afrua Mbappes dhe i kërkoi fanellën. Gazetarja spanjolle nuk mundi të pajtohej me këtë gjë.

“A është e vërtetë ajo që po më thoni? Modric kërkoi fanellën e Mbappes? Çfarë? Si mund t’i kërkoni Mbappes një fanellë? Ai është një njeri që tradhtoi Realin. Modric është një lojtar i Real Madridit, dhe Mbappe u tall me lojtarët e Madridit dhe ai kërkon fanellën e tij. Është shaka, apo jo?”, ka thënë Pedrerol i zhgënjyer.

Pedrerol nuk u ndal me kaq. Gazetari tha se gjesti i mesfushorit kroat ishte i tmerrshëm.

“Modric po kërkon një fanellë nga njeriu që tradhtoi Realin shtatë ditë para se të vinte. Sinqerisht, jam në shok. Nuk dija asgjë për këtë,” shtoi spanjolli. /Telegrafi/