Programi i Kombeve të Bashkuara për Zhvillim (UNDP) në Kosovë dhe Ministria e Kulturës, Rinisë dhe Sportit (MKRS) zyrtarizuan një marrëveshje për të zgjeruar Programin e Praktikës në Punë për të ofruar mundësi të rinjve dhe të rejave të diplomuar, të regjistruar si të papunë në Shërbimin Publik për Punësim në Kosovë.
Sipas njoftimit, ata do të zhvillojnë një punë praktike për zhvillimin e aftësive të tyre në vendin e punës.
“Kjo mbështetje vjen si reagim në ndikimin e COVID 19 në kushtet socio-ekonomike të të rinjve. Programi zbatohet nga Ministria e Punës dhe Mirëqenies Sociale (MPMS) – Agjencia e Kosovës për Punësim në bashkëpunim me UNDP-në”, thuhet në njoftim.
Ministrja e Kulturës, Rinisë dhe Sportit, Vlora Dumoshi dhe Përfaqësuesja e Përhershme e UNDP-së, Maria Suokko nënshkruan këtë marrëveshje në një ngjarje të mbajtur sot.
Pas nënshkrimit të marrëveshjes, Ministrja Dumoshi theksoi “Me këtë marrëveshje, Ministria e Kulturës, Rinisë dhe Sportit shpreh përkushtimin e saj në kontributin e drejtpërdrejt për qytetarët e Kosovës, sidomos nadaj të rinjëve të cilët përfaqësojnë gjysmën e popullates dhe një potencial skajshmërisht të pashfrytëzuar”.
“Ne në UNDP jemi shumë të lumtur që kemi mundësinë të punojmë me institucionet e Kosovës në këtë skemë që do të siguroj mundësi të reja për të rinjtë të përfitojnë një përvojë të vlefshme pune dhe të zhvillohen në aspektin profesional. Ndikimet e pandemisë tek të rinjtë, sidomos tek gratë dhe ata që gjenden në situatë të cenueshme, kanë qenë sistematike, të thella dhe joproporcionale”, u shpreh ajo.
Qëllimi i Programit të Praktikës është të sigurojë punëkërkuesit e papunë, të cilët kanë diplomuar nga institucionet arsimore të mesme dhe të larta profesionale brenda një periudhe 24-mujore, me mundësinë për të ndjekur një praktikë 6-mujore në ndërmarrjet e sektorit privat ose institucionet publike, për të mbështetur zhvillimin e aftësive të tyre në vendin e punës, drejt krijimit të mundësive për punësim të qëndrueshëm në Kosovë.
Kjo iniciativë është pjesë e paketës qeveritare për rimëkëmbjen nga COVID 19. Programi përqendrohet në identifikimin e ndërmarrjeve/institucioneve që kanë potencial të ofrojnë mundësi punësimi afatgjatë. Programi i Praktikës do të angazhojë ekspertizën e projektit dhe të Agjencisë së Punësimit për të përshtatë secilën pozitë të praktikës me punëkërkuesit e duhur, në përputhje me nevojat dhe kriteret e përcaktuara nga kompanitë/institucionet.
“400 të rinj të diplomuar të papunë në Kosovë do të përfitojnë nga aftësitë praktike, duke përmirësuar jetesën e tyre dhe integrimin në tregun e punës. Personat e kualifikuar për të aplikuar për skemën e praktikës duhet të kenë diplomë universitare ose të shkollës së mesme profesionale brenda periudhës 24-mujore, të jenë punëkërkues që nuk kanë përvojë të mëparshme pune dhe të jenë nën moshën 30 vjeç. Përparësi do t’u ipet të papunëve afatgjatë (më shumë se 12 muaj), grave, të mbijetuarve të dhunës në bazë gjinore, përfituesve të ndihmës sociale, personave të vetëm, me një ose më shumë anëtarë vartës (prindër të vetëm), personave nga zonat rurale, personave me aftësi të kufizuara dhe personave nga grupet e pakicave etnike”, vijon njoftimi./ Telegrafi/
Lufta Prigozhin - Putin
Më shumëNga Rubrika
Bajrami: Jam i gatshëm ta ndihmoj Kurtin në procesin e Asociacionit
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Të shtëna me armë në Lupç të Podujevës, katër të plagosur
Ndalohen për 48 orë pesë të dyshuar për rastin e plagosjes në Lupç
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Prokuroria jep detaje për plagosjen e katër personave në Lupç të Podujevës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës