George Weah ka qenë një ndër futbollistët më të mirë që ka pasur skuadra e Milanit.

Reklama

Tashmë si president i shtetit të Liberisë, ka takuar Ministrinë e Punëve të Jashtme të Kosovës, Behgjet Pacollin.

Ky i fundit e ka njoftuar ish-lojtarin për arritjet e përfaqësueses sonë në futboll, e cila nuk ka pësuar humbje në 12 ndeshjet e fundit.

“Në Dakar të Senegalit ku po marr pjesë në inaugurimin e presidentit, takova edhe presidentin e Liberisë, George Weah. Presidenti Weah i cili është edhe mik i vjetër i imi, edhe njëherë rikonfirmoi mbështetjen e pa rezervë të vendit të tij për Republikën tonë”.

Reklama

“Presidentin Weah, dikur fitues i topit të artë në futboll, e informova për ecurinë e djelmoshave tanë tê kombëtares së futbollit, duke i përmendur edhe rekordin e vendosur pa humbje. Kënaqësi dhe krenari e madhe që me këto rezultate të mrekullohet edhe një kampion si Weah”, shkroi Pacolli në llogarinë personale në Facebook.

Reklama

Ndryshe, 52-vjeçari në të kaluarën ka fituar titullin në Serie A me Milanin në sezonet 1995–96 dhe 1998–99. /Telegrafi/