Milani është tejet i interesuar për transferimin e Alxandre Lacazettes nga Arsenali.

Rossonerët kanë nevojë të madhe për sulmues, pasi Zlatan Ibrahimovic e Olivier Giroud janë në perëndim të karrierës.

Sipas asaj që raporton Rudy Galetti, skuadra italiane Milani tashmë ka filluar bisedimet me përfaqësuesit e lojtarit për të realizuar transferimin në janar.

Arsenali i ka bërë me dije 30 vjeçarit se është i lirë të largohet, derisa kontrata i skadon në fund të këtij edicioni.

The Gunners nuk duan ta humbasin si lojtar të lirë, andaj janë të gatshëm ta shesin te klubi që ofron pesë milionë euro.

Milani dëshiron që ta transferojë Lacazetten, gjersa nuk ofrojnë më shumë se tre milionë. /Telegrafi/