Ehat Miftaraj nga Instituti i Kosovës për Drejtësi (IKD), ka reaguar lidhur me vrasjen e Liridona Ademit, e cila dyshohet se u privua nga jeta me porosi të bashkëshortit të saj, Naim Murseli.
Miftaraj në reagimin e tij ka thënë se “nuk mjaftojnë lotët e krokodilit sa herë që ndodh një vrasje e një gruaje”.
Sipas tij, fatkeqësisht reagimet në masë kur ndodhin vrasje të grave zgjasin dy deri tre ditë, pastaj kalojnë në harresë deri në rastin e radhës.
“Edhe reagimi është selektiv varësisht se cila është viktima. Rasti Domazeti në rajonin e Prizrenit një grua e moshuar që u ngritën dyshime se u vra ne fillim viti nga ana e kunatës dhe nipit, kryesisht për shkak të neglizhencës së institucioneve dhe mos zbatimit të protokolleve në rastet e dhunës në familje, nuk pati vëmendjen e duhur të publikut e as të organizatave që merren me të drejtat e grave”, ka shkruar ai në Facebook.
Miftaraj tutje ka përmendur edhe rastin e Hamide Magashit, e cila u vra në oborrin e QKUK-së.
“Në një kronikë të KTV para dy ose tre ditëve, lidhur me këtë rast, Ministria e Drejtësisë as qe e mori mundin të jap prononcim ose ktheje përgjigje për KTV, edhe pse vet Ministrja e Drejtësisë është Koordinatore Nacionale kundër dhunës në familje”.
“Para disa muajve u vra një shtetase e Argjentinës nga burri i saj në një hotel në Fushë Kosovë, duke u përmbyllur me rastin e fundit ky kryesi i këtij krimi është një qytetar i cili si duket formimin dhe edukimin e ka marr ne një shtet skandinav, si Suedia”.
Ai ka shtuar se krejt këto zakonisht po ndodhin në ditët e aktivizimit kundër dhunës në familje.
“E fatkeqësisht këto aktivitete gjate 16 ditëve viteve te fundit nuk po përkthehen ne siguri dhe pavarësi financiare dhe ekonomike për gratë qe janë subjekt i dhunës ne familjes, kërkese për llogaridhënie dhe përgjegjësi për fenomenin, por me shume si kampanja për rehabilitimin e dështimeve te institucioneve publike”.
“Edhe pse kemi pas dyshimet nëse ne Kosove ka Femicid, rastet dhe fenomenet e vrasjes se grave nga burrat ne tre vitet e fundit, po dëshmojnë se këto vrasje duhet trajtuar me shume seriozitet si FEMICID. Kërkesa për transparencë dhe llogaridhënie ne këto raste nuk duhet te këtë kompromis”, ka përfunduar Miftaraj. /Telegrafi/
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, cilat janë vendet skeptike që duan fillimisht asociacionin?
Konkursi i dyshimtë i Policisë, IPK: Do t’i verifikojmë informatat
AGK-ja dënon intimidimin publik të deputetit Dimal Basha ndaj gazetares së RTK-së
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Drejtori i RTK-së: Gjuha e përdorur nga deputeti Dimal Basha, e papranueshme
Çfarë pyetje u bëhen qytetarëve në diasporë për regjistrim?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe