LAJMI I FUNDIT:

Mehmeti: Norma e interesit për kredi ka rënë në 6% (Video)

Mehmeti: Norma e interesit për kredi ka rënë në 6% (Video)

Guvernatori i Bankës Qendrore të Kosovë (BQK), Fehmi Mehmeti, në një intervistë për emisionin “EKONOMI” në Telegrafi.com ka treguar se sistemi financiar në vend po karakterizohet me zhvillime pozitive, sipas tij, norma e interesit për kredi ka rënë në 6 për qind.

Mehmeti thotë vlera e përgjithshme e mjeteve të këtij sistemi ka shënuar rritje vjetore prej 7 për qind.

“Sistemi financiar në përgjithësi karakterizohet mirë dhe me zhvillime shumë pozitive në të gjitha aspektet. Vlera e aseteve të sektorit financiar vlerësohet të jetë 6.32 miliardë euro me një rritje vjetore prej 7 për qind. Nëse e shohim sektorin bankar si komponentë kryesore të këtij sektori, po ashtu karakterizohet me zhvillime pozitive, si rritje e kreditimit, rritje të depozitave, ulja e kredive joperformuese, ulje të normës së interesit në kredi, e kështu me radhë”, tha Mehmeti.

Ai tregon se mbi 70 për qind të kredive i dedikohen bizneseve.

“Për sa i përket rritjes së kredive, vlerësohet se ka arritur në 2.77 miliardë euro me një rritje vjetore prej 11.4 për qind. Sa i përket depozitave kemi rritje prej 9 për qind, kjo rritje mundëson që të kemi aktivitet dhe bankat kanë ende kapital të mjaftueshëm për të zgjeruar aktivitetin e kreditimit. Mbi 70 për qind të kredive i dedikohen bizneseve dhe kjo tregon mbështetjen që sektori bankar është duke dhënë për zhvillimin ekonomik. Norma efektive e interesit në kredi ka rënë në 6 për qind, kjo ka bërë që të lehtësohet qasja në financa dhe të rritet shkalla e investimit financiar”, ka treguar ai.

Mehmeti: Plaçkitja e bankave nuk kërcënon stabilitetin bankar dhe depozitat (Video)
Lexo po ashtu Mehmeti: Plaçkitja e bankave nuk kërcënon stabilitetin bankar dhe depozitat (Video)

I pari i BQK-së, në këtë intervistë ka treguar edhe për arsyet që kanë ndikuar në uljen e normës së interesit për kredi.

“Janë tre faktorë që kanë ndikuar në uljen e normës së interesit në kredi. Në vend të parë, bankat ka përmirësuar dhe lehtësuar ofertat, në rend të dytë janë mbikëqyrja e përafërt e bankave nga afër dhe stabiliteti ekonomik në vend. Gjithashtu një faktor është aktivizimi i përmbaruesve privat që ka dhënë një rrol për shpejtimin e zgjidhjeve të rasteve të kredive që kanë ndikuar në uljen e kredive të këqija. Kreditë e këqija shënojnë 2.6 për qind që janë më të ulëta në rajon”, ka thënë guvernatori i BQK-së, Fehmi Mehmeti. /Telegrafi/

Në trend Ekonomi

Më shumë
Mustafa, Rrustemit: U mundove me thanë që LVV e pa korruptuar, por kryeshefi i KEK-ut që e keni emëruar u arrestua për korrupsion e kontrata njëburimore

Mustafa, Rrustemit: U mundove me thanë që LVV e pa korruptuar, por kryeshefi i KEK-ut që e keni emëruar u arrestua për korrupsion e kontrata njëburimore

Ekonomi
Kontratat njëburimore, Tahiri përplaset me Kusari-Lilën: Dëgjoni, mos u bëni të pasjellshëm

Kontratat njëburimore, Tahiri përplaset me Kusari-Lilën: Dëgjoni, mos u bëni të pasjellshëm

Ekonomi
Gjatë shkurtit mërgata dërgoi në Kosovë rreth 88 milionë euro

Gjatë shkurtit mërgata dërgoi në Kosovë rreth 88 milionë euro

Ekonomi
Ku janë banesat më të shtrenjta në Evropë dhe sa janë të gatshëm të shpenzojnë njerëzit?

Ku janë banesat më të shtrenjta në Evropë dhe sa janë të gatshëm të shpenzojnë njerëzit?

Botë
Hausmeister - Superheroi i munguar i banesës tënde

Hausmeister - Superheroi i munguar i banesës tënde

Hausmeister
Abonohu në Shqip.ai - Zbulo pakot e reja të çmimeve

Abonohu në Shqip.ai - Zbulo pakot e reja të çmimeve

Ekonomi
Kalo në kategori