Sigal Prishtina ka pësuar humbje edhe në ndeshjen e dytë të FIBA Europe Cup.
Prishtinasit kanë humbur kundër skuadrës ruse të Enisey të Krasnoyarskit me rezultat 102:101 pas vazhdimeve prej pesë minutave.
Megjithëse pjesa e parë kaloi në dominim të bardhekaltërve tanë, vendasit triumfuan në sekondat e fundit.
Prishtinasit e kanë përmbyllur njëzet minutshin e parë me epërsi prej dhjetë pikëve kundër rusëve të BC Enisey.
Rezultati në semafor tregonte shifrat prej 50:40, kjo në saje të mbrojtjes së mirë dhe sulmeve efikase të prishtinasve, raporton Telegrafi.
Paraprakisht, çereku i parë përfundoi i barabartë me rezultat 18:18.
Por, kur pritej të vazhdojë performanca e mirë e prishtinasve, ndodhi e kundërta dhe këtë e shfrytëzoi më së miri ekipi rus.
Me sulmet e njëpasnjëshme dhe fal gabimeve në fazën e sulmit, Enisey arriti të përmbyll çerekun e tretë në epërsi, por rezultati i përgjithshëm tregonte shifrat 66:66.
Çereku i tretë ishte dramatik pasi që herë njëra skuadra, herë tjetra kalonte në epërsi ndërsa në sekondat e fundit, përkatësisht në tetë sekondat e fundit rezultati ishte baras, 87:87.
Prishtinasi nuk shfrytëzuan rastin për të triumfuar dhe kështu takimi shkoi në vazhdime prej pesë minutave.
Por, si duket përvoja jo e madhe në këtë garë, bëri që në sekondat e fundit kampioni i Kosovës të humbas takimin me një pikë diferencë, 102:101.
Vlen të theksohet se pesë sekonda para përfundimit të takimit, ‘Plisat’ nuk e shfrytëzuan si duhet aksionin e fundit, i cili ka mundu t’ua sjell fitoren e parë këtë sezon në FIBA Europe Cup. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251