Mediat më të mëdha botërore shkruajnë për ngjarjen e turpshme në Bukuresht: Skandal politik në Rumani

Nuk ka dyshim se ajo që ndodhi në Rumani ka qenë një skandal shumë i madh që ka bërë bujë në gjithë botën.

Tifozët rumunë me një urrejtje të pakuptimtë ndaj Kosovës prej fillimit të ndeshjes ofenduan në kor.

Në momentin që himni i Kosovës filloi, të gjithë fishkëlluan dhe filluan brohoritjet ‘Serbia, Serbia’.

Por në minutën e 18-të kur turma e tifozëve filloi të brohoras ‘Kosova është Serbi’ dhe të shpallet një banderolë me atë mbishkrim, futbollistët e Kosovës refuzuan të vazhdojnë ndeshjen, duke shkuar në zhveshtore pas vendimit nga gjyqtari.

Për skandalin e ndodhur në Arena Nacionala në Bukuresht kanë shkruar mediumet më të mëdha botërore përfshi ‘Marcan’ spanjolle, BBC e Anglisë dhe Corriere dello Sport të Italisë.

“Pavarësia e Kosovës njihet nga 100 vende, duke përfshirë Mbretërinë e Bashkuar, por Rumania është ndër vendet e pakta të BE-së që nuk e njohin. Mbështetësit rumunë gjithashtu ngritën një pankartë ku shkruhej “Bessarabia është Rumania” në të njëjtën anë të fushës me atë me anti “Mesazhi i Kosovës. Besarabia, e cila ka qenë pjesë e Rumanisë midis 1918 dhe 1940, është e ndarë midis Moldavisë dhe pjesëve të Ukrainës”, shkruan BBC .

“Përgjigja e pjesës tjetër të publikut në stadium ndaj ultrasve ishte shembullore. Me ndërprerjen e lojës dhe lojtarët në dhomën e zhveshjes, kur ultrasit filluan të thërrisnin ‘Rumani, Rumani’, pjesa tjetër e publikut iu përgjigj duke i ftuar. për të dalë ‘jashtë, jashtë’. Loja më në fund rifilloi pas më shumë se 50 minutash. Sigurisht, me një paralajmërim serioz: ‘Mos këndoni më emrat e fqinjëve tanë. Është paralajmërimi i fundit. Në të kundërt takimi do të pezullohet përgjithmonë”. Kishte në mes një tentativë për të evakuuar ultrasit… por nuk ia doli”, theksuan spanjollët nga Marca.

Spanjollët e AS shkruanin: “Skandal politik në Rumani: lojtarët nga Kosova largohen nga fusha”.

Gazzetta dello Sport, botimi më i rëndësishëm i Italisë, shkroi: “Në Bukuresht, ultrasit brohorisnin Kosovë e Serbi. Gjyqtari pezulloi përkohësisht Rumaninë – Kosovën”. /Telegrafi/