Matthaus: Haaland do të përshtatej më mirë te Reali me Mbappe

Legjenda e Bayern Munichut, Lothar Matthaus, ka dhënë opinionin e tij lidhur me situatën e Real Madridit në vitet e fundit.

Sipas tij, largimi i emrave, si Cristiano Ronaldo, Sergio Ramos, Raphael Varane dhe të tjerëve, e ka ulur nivelin e Los Blancos.

“Real Madridi e ka humbur personalitetin e vet pa Ramosin”, ka thënë ai duke folur pastaj për David Alaban, i cili e ka zëvendësuar kapitenin legjendar.

“Ai (Alaba) është lojtar i shkëlqyer, por nuk e ka personalitetin e njëjtë. Nuk është një lider sikurse Ramos”, ka shtuar 60-vjeçari në deklaratën e tij.

Lexo po ashtu Agjenti i njohur gjerman hedh ‘bombën’: Klubi që e blen Haalandin duhet të ketë buxhet vetëm për të deri në 300 milionë euro

Ylli i Borussia Dortmundit, Erling Haaland, është një prej shënjestrave të Realit dhe Matthaus beson se norvegjezi mund t’u sjellë Mbretërve personalitet.

“Haaland mund të përfundojë te Bayern (Munichu) pas (Robert) Lewandowskit. Por, jo së bashku me të. Haaland do të përshtatej më mirë të Real Madridi me (Kylian) Mbappe”, ka theksuar Matthaus. /Telegrafi/