Marotta: Shitja e Hakimit ishte vendim i dhimbshëm, Inzaghi është trajner fitues

Drejtori i Interit, Beppe Marotta beson se Simone Inzaghi është një nga trajnerët më fitues të Italisë dhe pranon se shitja e Achraf Hakimi ishte një ‘vendim i dhimbshëm’.

Inzaghi u prezantua si trajneri i ri i Interit në një konferencë shtypi në Stadio San Siro sot (e mërkurë), pasi erdhi si zëvendësues i Antonio Contes, i cili u nda me Nerazzurët pasi fitoi titullin në Serie A sezonin e kaluar.

“Ne fillojmë një sezon që do të jetë i vështirë, si zakonisht. Jemi krenar që prezantojmë trajnerin tonë të ri sepse projekti Inter vazhdon me një trajner të ri, të ri dhe fitues. Mendojmë se ai është personi më i përgatitur dhe ai që mishëron parimet e këtij klubi”, ka thënë fillimisht Marotta.

Lexo po ashtu Steven Zhang me një intervistë të gjatë – Flet për largimin e Contes dhe ardhjen e Inzaghit, situatën ekonomike dhe synimet e Interit

“Ne po kalojmë një kohë të vështirë dhe në një farë mënyre shqetësuese pas pandemisë, gjithashtu si rezultat i ekonomisë botërore. Si reflektim, futbolli tani po kërkon një model të qëndrueshëm”.

“Me siguri, Interi dëshiron të vazhdojë në të njëjtën rrugë si sezonin e kaluar, duke parë aspektet ekonomike dhe financiare. Pronarët duan të ndërtojnë një ekip konkurrues, ata kanë investuar mbi 700 milionë euro dhe futbolli po paguan pasojat e asaj që sapo ka ndodhur”.

Live da San Siro la conferenza stampa di presentazione della stagione 2021/22 dell'Inter: parola al CEO Sport Giuseppe Marotta e al nuovo tecnico nerazzurro Simone Inzaghi https://t.co/eclqtBRbFT

— Inter 🏆🇮🇹 (@Inter) July 7, 2021

“Është e paimagjinueshme të kërkosh të njëjtat përpjekje. Ne bëmë zgjedhje të dhimbshme si ajo e shitjes së Hakimit, por gjithmonë duke u përpjekur të japim vazhdimësi”.

“Jemi duke pritur për kthimin e tifozëve në stadium. Unë uroj që qeveria së shpejti të rihapë stadiumet që janë pasuri e rëndësishme për çdo klub”.

Lexo po ashtu Zyrtare: Hakimi i bashkohet PSG-së

“Lega dhe klubet janë në bisedime për të rihapur stadiumet, ka miliona njerëz që u vaksinuan dhe kjo mund të shtyjë edhe më shumë njerëz për ta bërë atë. E dimë që stadiumet mund të hapen përsëri, por nuk e dimë nëse plotësisht apo pjesërisht, por tashmë do të ishte një sukses i madh”.

“Së pari është e trishtueshme të luash pa tifozë, së dyti, por jo më e rëndësishmja, Interi humbi 100 milionë euro midis 2019 dhe 2021 nga të ardhurat e ditës së ndeshjeve”, përfundoi drejtori i Interit.

Para-sezoni i Interit fillon nesër në Appiano Gentile, por shumë lojtarë janë ende me pushime pas Euro 2020 dhe Copa America, dhe të tjerët janë ende të përfshirë në të dy garat. /Telegrafi/